प्रधानमन्त्री पुष्पकमल दाहालले आक्रमण गर्न आउनेहरुलाई ‘इँटको जवाफ पथ्थरले दिन’ समाजवादी मोर्चाका कार्यकर्तालाई निर्देशन दिएका छन्।

मोर्चाले सोमबार विराटनगरमा गरेको सन्देश सभामा दाहालले उत्ताउलो र भड्किलो भाषण गरे। उनले निरंकुशताका दलालहरुले नेपाली कांग्रेसका सहमहामन्त्रीमाथि खुकुरी हानेको भन्दै त्यस्तालाई जवाफ दिन उक्साए।

गणतन्त्र ल्याउनेहरु रक्षात्मक र गाली गरेको भरमा आएकाहरु मुल पार्टी हुने विडम्बना देखिएको गुनासो गरेका उनले भने–‘जिन्दगीभर जेलनेल, भूमिगत, त्याग गरेर देशमा गणतन्त्र ल्याउनेहरु रक्षात्मक, अलिकति डराए जस्तो देखिएको र सामाजिक सञ्चालमा उपद्रो गर्नेहरु चाहिँ राजनीतिज्ञ जस्तो देखियो।’

‘नाम त के लिनु र मैले । निरंकुशताका दलालहरु। जसको चरित्र गुण्डाको भन्दा फरक छैन ।’ उनले भने। उनीहरुमध्येकै एकले नेपाली कांग्रेसका सहमहामन्त्रीमाथि खुकुरी प्रहार गरेको प्रधानमन्त्रीले बताए । ‘भनेपछि उनीहरुको मनोबल कस्तो रहेछ, तपाईं हामी चाहिं बडो रक्षात्मक’ उनले भने, ‘त्यस्तो होइन अब । अब यो समाजवादी मोर्चाले जहाँ बदमासी हुन्छ, गालीगलौज हुन्छ, त्यो इँटको जवाफ पत्थरले दिने हो । दिनैप¥यो ।’

प्रधानमन्त्री दाहालको अभिब्यक्तिकै कारण केही दिनअघि धरानमा झण्ै हिन्दु र क्रिश्चियनहरुको झडपको अवस्था आएको थियो। दाहालले आफनो पार्टीलाई वहुमत दिए जातिय राज्य दिने भन्दै भाषण गरेका थिए।

उनको भाषणपछि मन्दिरको अगाडि चर्च वनाउनेदेखि, गाई÷गोरु काटेर सामुहिक भोज गर्नेसम्मका कृयाकलाप भएपछि हिन्दु धर्मावलम्वीहरु आक्रोशित भएका थिए। तर, यस विषयमा अहिलेसम्म पनि कुनै प्रतिक्रिया जनाएका छैनन्।

बरु विराटनगर पुगेर जनतालाई आपसमा लडाउने र भिडाउने अभिब्यक्ति दिएर फर्किएका छन्।