धरान उपमहानगरपालिकाका उपमेयर अइन्द्रविक्रम बेघाको धरान– १५ स्थित घरमा अज्ञात समूहले तोडफोड गरेको छ । सोमबार बेलुका भएको तोडफोडबाट झ्यालको सीसा फुटेको छ ।

उपमेयरका कान्छा भाइ बिष्णुलाई आक्रमण गर्न आएको समूहले घरमा तोडफोड गरेको हो जनाईएको छ। उपमेयर बेघाले तत्कालै प्रहरीलाई खबर गरेपनि प्रहरी नआएको बताए ।

उनले घटना हुनेबित्तिकै बोलाउँदा समेत प्रहरी नआउनुले धरानको शान्ति–सुरक्षामा प्रश्न उठेको भन्दै आक्रोश व्यक्त गरेका छन्।

सुनसरीका प्रहरी प्रमुख एसपी विपीन गौतमले उपमेयरको घर तोडफोड गर्ने समूहको खोजी गर्न प्रहरी परिचालन गरिएको बताए।