संविधानसभा अध्यक्ष एवम पुर्वसभामुख सुवास नेम्वाङलाई विदाई गर्दा पूर्व राष्ट्रपति विद्यादेवी भण्डारी भावुक वनेकी छिन्।

सोमबार राति निधन भएका नेम्वाङको शव श्रद्धाञ्जलीका लागि पार्टी कार्यालयमा राखिएको छ । नेम्वाङलाई अन्तिम श्रद्धाञ्जली अर्पण गर्न एमाले पार्टी कार्यालय, च्यासल पुगेकी उनी भावुक भएर प्रश्तुत भएकी थिईन।

त्यहाँ पुगेपछि पूर्व राष्ट्रपति भण्डारी भावविव्हल भइन् । पार्टी अध्यक्ष केपी शर्मा ओली लगायतका नेताहरुसँग बसिरहेकी उनले बारम्बार आँशु पुछिन् । उनलाई सम्हालिन कठिन भइरहेको देखिन्थ्यो । पटकपटक रुमालले आँशु पुछिरहेकी थिइन् ।

उनले नेम्वाङको पार्थिव शरीरमा राष्ट्रिय झण्डासमेत ओढाएकी छन् । पूर्वराष्ट्रपति भण्डारी सम्हालिन गाह्रो भएपछि पार्टी कार्यालयमा एमाले अध्यक्षको कार्यकक्षमा आराम गर्न पठाइएको थियो।

सभामुख देवराज घिमिरे, नेकपा एकीकृत समाजवादीका सम्मानित नेता झलनाथ खनाललगायत पनि त्यहाँ पुगेका छन् । सबै स्तब्ध र मलिन अनुहारमा छन् ।