सुवास नेम्वाङको शव यात्रा सुरु भयो, आज शोक विदा
सोमबार राति हृदयघातका कारण निधन भएका संविधानसभा अध्यक्ष सुवास नेम्वाङको आज राजकीय सम्मानसहित अन्त्येष्टि गरिंदैछ ।
उनको अन्त्यष्टिअघि अहिले शव यात्रा सुरु भएको छ । उनको निवास बालुवाटारबाट शव निकालिएको हो । बालुवाटारमै सेनाले सलामी दिएको छ ।
शवयात्रा बालुवाटार, शिक्षण अस्पताल, महाराजगञ्ज, धुम्बाराही, चाबहिल, गौशाला हुँदै पशुपति आर्यघाटमा पुग्नेछ ।
उनको पार्थिक शरीर दुई दिनसम्म पार्टी कार्यालय, च्यासलमा राखिएको थियो। बुधबार बालुवाटारस्थित निवासमा लगिएको थियो । त्यहीबाट आज शव यात्रा सुरु भएको हो।
नेम्वाङको मुन्धुम र हिन्दू परम्पराअनुसार अन्त्येष्टि गर्ने तय भएको छ । राजकीय सम्मानका साथ अन्त्येष्टि हुने भएकोले आज सरकारले शोक बिदा दिएको छ ।
