विराट कोहलीको अटोग्राफ सोमपालको जुत्तामा
विश्व क्रिकेटमा स्थापित भारतीय खेलाडीहरू विरुद्ध सोमवार नेपाली खेलाडीले सानदार प्रदर्शन गरे। भारतसँगको खेलपछि अहिले नेपाली खेलाडीहरुको निर्क चर्चा भईरहेको छ।
खेलका क्रममा नेपाली खेलाडीले आफूले आदर्श मान्दै आएका भारतीय खेलाडीहरू विराट कोहली, रोहित शर्माजस्ता प्रभावशाली भारतीय खेलाडीको अटोग्राफ पनि लिन भ्याए ।
यसैक्रममा नेपाली टोलीका अलराउन्डर सोमपाल कामीले भारतीय टोलीका प्रभावशाली खेलाडी विराट कोहलीको अटोग्राफ लिएका छन् । उनले आफ्नो जुत्तामा विराट कोहलीको अटोग्राफ लिएका हुन् । त्यो तस्बिर सोमपालले सामाजिक सञ्जाल फेसबुकमार्फत सार्वजनिक गरेका छन् ।
फेसबुकमा तस्बिर सार्वजनिक गर्दै उनले खेलेका छन्, ‘विराट कोहली एउटा क्रिकेटर मात्र होइनन्, उनी भावना पनि हुन् ।’
यसैबीच, नेपाली क्रिकेट टोलीको प्रदर्शनलाई लिएर इन्डियन प्रिमियर लिग (आईपीएल) खेल्ने टोलीहरुले पनि सकारात्मक प्रतिक्रिया दिएका छन् । उनीहरुले नेपालले एसिया कपमा उत्कृष्ट प्रदर्शन गरेको भन्दै प्रशंसासमेत गरेका छन् ।
खासमा खेलपछि नेपाली टोलीका प्रशिक्षक मोन्टी देसाईले खेलपछि आफ्ना खेलाडीलाई भारतीय टोलीको ड्रेसिङ रुपमा लिएर गएका थिए । नेपाली टोलीका प्रमुख प्रशिक्षक देसाई भारतीय नागरिक हुन् ।
उनी आफ्ना खेलाडीलाई भारतीय खेलाडीसँग भेटाएर अनुभव आदान—प्रदान गराउन चाहन्थे । सो अवसरमा दुबै टोलीका खेलाडीले खेलको विषयमा कुराकानी पनि गरेका थिए । त्यतिबेला नै नेपाली खेलाडीहरूले भारतीय खेलाडीहरूको अटोग्राफ पनि लिएका हुन् ।
