काठमाडौं महानगरपालिका मेयर बालेन्द्र साहसँग चर्काचर्की परेपछि चर्चित भएका वडा नम्बर १६ का अध्यक्ष मुकुन्द रिजालको निधन भएको छ ।

डेंगी संक्रमणपछि ग्राण्डि अस्पतालमा भर्ना भएका उनको उपचारका क्रममा निधन भएको वडा नम्बर १६ का सचिव प्रकाश खड्काले बताए।

रिजाल गत शुक्रबार धापासीस्थित ग्रान्डी अस्पतालमा भर्ना भएका थिए । उपचारमा संलग्न चिकित्सकले पनि रिजालको निधनको पुष्टि गरेका छन् ।

कांग्रेसबाट उम्मेदवार बनेका रिजाल गत स्थानीय तह निर्वाचनमा एमालेका लक्ष्मीरत्न तुलाधरलाई हराउँदै वडाध्यक्षमा विजयी भएका रिजाल कांग्रेसका क्षेत्रिय सभापति समेत थिए।

वडाध्यक्ष निर्वाचित भएपछि फोहोर ब्यवस्थापन लगायतका विषयमा विमती राखेपछि मेयर बालेन्द्र साहसँग उनको चर्काचर्की परेको थियो।