बाँकेको कोहलपुरमा शुक्रवार राती ९ वजे बस दुर्घटना हुँदा सात जनाको मृत्यु भएको छ। 

जिल्ला प्रहरी कार्यालयका डिएसपी नारायण डाँगीका अनुसार दाङबाट बर्दिया जाँदै गरेको ना ७ ख २३२१ नम्बरको बस बाँकेको शमशेरगन्जमा रोकिराखेको ना ८ ख ६४०५ नम्बरको ट्रकमा ठोक्किएको थियो ।

दुर्घटनामा काशीराम थारु, कस्तुरी थापा, रुपा परियार, जयन्ती थारु र सहचालकलगायतको मृत्यु भएको छ। दुर्घटनामा १५ जनाभन्दा वढि घाईते छन्।

ठाकुरद्वारा बर्दियाको बेतनी सामुदायिक वन उपभोक्ता समितिका उपभोक्ता बस रिसर्ज गरेर दाङको थारु संग्रहालय भ्रमण गरी फर्किने क्रममा दुर्घटना भएको जनाईएको छ।