त्यस्तो गाउँ जहाँ हरेक मानिसले कमाउँछन् ८० लाख यूरो
कात्तिक - ३ । गाउँ भन्ने बित्तिकै हामी विकासको पूर्वाधारहरु शिक्षा, स्वास्थ्य, सडक, सञ्चार खानेपानी आदिको सुविधा उपलब्ध नभएको ठाउँ भन्ने बुझ्दछौँ । त्यति मात्र नभएर आफ्नो रोजीरोटीको लागि दिनरात नभनी खेतबारीमा काम गर्ने मानिसहरुको तस्बीर हाम्रो मष्तिस्कमा आउने गर्दछ ।
तर एउटा यस्तो गाउँ छ जहाँ बसोबास गर्ने मानिसहरुका लागि भने बंगला, महँगो कार, उपयुक्त शिक्षा, हरेक किसिमका सेवा सुविधा जुन सहरमा बस्ने मानिसहरुको साथमा पनि नहुनसक्छन् । सुन्दा यो एक सपना जस्तै लाग्छ ।
चीनको हुआझी गाउँमा बसोबास गर्ने मानिसहरुका लागि यो सपना होइन् सत्य हो । यस गाउँ चीनको जियांगयिन सहरको नजिक रहेको छ । यस गाउँलाई चीनको सबैभन्दा धनी कृषि गाउँ पनि भनिन्छ । यस गाउँमा बस्ने सबै मानिसहरुको आम्दानी करिब ८० लाख युरो रहेको छ । यतिमात्र नभएर यहाँ बस्ने करोडपतिको संख्या अन्य गाउँको तुलनामा सबैभन्दा धेरै रहेको छ ।
सुरुवातमा भने हुआझी गाउँको तस्बीर यस्तो थिएन् । सन् १९६१ पछि यहाँको कृषि व्यवसाय धेरै नराम्रो रहेको थियो । तर गाउँको साम्यवादी पार्टी समितिको पूर्व अध्यक्ष रहेका वू रेनवाओले यस गाउँलाई सुन्दरतामा बदलिदिएका हुन् । उनले केवल औद्योगिक विकासका लागि योजना बनाए । त्यति मात्र नभएर उनले कृषि प्रणालीमा सुधारका लागि ठोस नियम पनि बनाए । उनले मल्टी सेक्टर कम्पनी बनाए । सन् १९९० मा कम्पनीलाई शेयर बजारमा सूचीबद्ध गराए । यस कम्पनीको खास कुरा यो रहेको छ की यसको शेयरधनीहरुमा गाउँका मानिसहरुको नाम सामेल गरिएको थियो ।
यस गाउँको स्टील, सिल्क र ट्राभल उद्योग खास रुपमा विकसित छन् र यसले सन् २०१२ मा मुख्य रुपमा ९.६ अरब डलरको फाइदा कमाएको थियो । यस गाउँका मानिसहरुले कमाएको लाभको हिस्सा कम्पनीमा शेयर होल्डरहरुलाई बाडिने गरिन्छ । आफ्नो शेयरका लागि जुन लाभ गाउँलेहरु कमाउछन् यसको एक ठूलो हिस्सा यानकी ८० प्रतिशत करमा काटिने गर्दछ । तर यसको बदलामा पंजीकृत नागरिकहरुले बंगला, कार, स्वास्थ्य सुरक्षा, शिक्षाका साथै अन्य विभिन्न सुविधा पाउने गर्दछन् ।
यसका साथै अन्य सुविधाहरुमा ५० वर्ष भन्दा माथिका महिलाहरु र ५५ वर्ष माथिका पुरुषहरुलाई हरेक महिना पेन्सनका साथै चामल र तरकारी पनि दिइने गरिन्छ । सरकारी सुविधा र शेयरधनीको रुपमा जो मानिसहरुलाई पंजीकृत गरिएको छ जो मानिस हुवाझी गाउँको स्थापनाको समयदेखि यही बसोबास गर्दै आएका छन् ।
हुआझी गाउँमा प्रवेश गरेपछि यो त्यो गाउँ जस्तो लाग्दैन् जसको तस्बीर हाम्रो दिमागमा आउने गर्दछ । यहाँको ठूलाठूला भवनहरु, फराकिलो सडकहरु, होटल, सुन्दर पार्क, स्वीमिगं पूल तथा अन्य सुविधाहरु देखेपछि विश्वका हाईटेक सहरहरु पनि फिक्का लाग्ने गर्दछ ।
हुआझी गाउँ केवल समृद्ध मात्रै छैन् यो भ्रमण तथा हेर्नमा पनि धेरै आकर्षक रहेको छ । देश तथा विदेशका करिब हजारौ मानिसहरु दिनहु यस गाउँमा भ्रमण गर्नुका साथै यहाँको संस्कृति बुझ्न समेत आउछन् । आजभोलि हुआझी गाउँ औद्योगिक तथा पर्यटकिय हिसाबले आकर्षणको केन्द्र बनेको छ । यस गाउँले संसारका व्यापारीहरुलाई पनि आकर्षित बनाएको छ ।
huaxi village