मदन राईको अन्तरवार्ताले नयाँ शक्तिमा हंगामा, कल्पना धमलाले दिइन् पागलपनको संज्ञा
नयाँ शक्तिका केन्द्रीय नेता एंव कृषिविज्ञ मदन राईले नेपाल आजलाई दिएको अन्तरवार्ताले नयाँ शक्तिमा तरंग पैदा गरेको छ । यौनका बारेमा राईले गरेको खुलस्त संवादलाई नयाँ शक्तिका नेतृहरुले अपाच्य भनि आलोचना गरेका हुन् । नयाँ शक्तिभित्र अन्तरवार्तालाई लिएर विवाद चर्किएको बुझेपछि नेपाल आजले केही महिला नेतृलाई सम्र्पक गरेको थियो । नेतृ कल्पना धमलाले राईको अभिव्यक्तिलाई पागलपन र वाहियातको संज्ञा दिइन् ।
‘नयाँ शक्तिको कल्पनाभन्दा बाहिर गएर उहाँ बोल्नुभएको छ । नांगोरुपमा दिइएको अभिव्यक्तिका बारेमा टिप्पणी गर्न पनि व्यर्थ छ । यो हाम्रा लागि अपाच्य छ ।’ राईको अभिव्यक्तिका सन्र्दभमा आक्रामक सुनिएकी धमलाले थपिन्, ‘६८ बर्षको बृद्धले यस्तो कुरा गर्नुहोला भन्ने लागेको थिएन । यो किशोर अवस्थाका केटाकेटीले गर्ने भन्दा पनि तल्लो स्तरको कुरा हो ।’ नयाँ शक्तिका महिला नेतृहरुले राईको अभिव्यक्तिलाई पार्टीमा संगठित रुपमा आवाज उठाउने बुझिएको छ । सो विषयमा धमलाले भनिन्, ‘नयाँ शक्ति यस्ता विषयमा केन्द्रीत हुनै चाहँदैन । यो बैठकको एजेण्डा हुन सक्दैन ।’ नयाँ शक्तिकै अर्की नेतृले राईको अभिव्यक्तिका कारण आफुहरु अफ्ठयारोमा परेको जनाइन् । ‘एक जनासँग मात्र यौन सम्बन्ध अप्राकृतिक भन्ने व्यक्ति नेता भएपछि हामी कसरी संगठनमा हिड्ने ? उहाँसँगै कतै सांगठनिक कामले जानु परे के गर्ने ?’ उनले प्रश्न तेर्साइन् । धमलाले राईसँग सांगठनिक काममा जान पर्ने स्थिति नै नरहेको जनाइन् । ‘उहाँ वृद्ध हुनुहुन्छ । उहाँसँग काममा कोही जानै पर्दैन । नयाँ शक्ति यौनका बारेमा उहाँको मतसँग असहमत छ ।’ धमलाले आफूहरुले राईसँग उनको अभिव्यक्तिलाई लिएर तिब्र असन्तुष्टि जनाइसकेको प्रष्ट गरिन् । राईले नेपाल आजसँग आफ्नो
प्रकाशोन्मुख कृतिमा केन्द्रीत रहेर भिडियो अन्तरवार्ता दिएका थिए । उनले आफ्नो पुस्तक र नयाँ शक्तिका बीचमा कुनै सम्बन्ध नरहेको पनि स्पष्ट गरेका थिए । प्राकृतिक कुरालाई लुकाउनु गलत रहेको भन्दै उनले यौनका बारेमा जस्ताको तस्तै वहश अावश्यक रहेकोमा जोड दिएका थिए । ‘अभिव्यक्तिका कारण आफूलाई कारवाही भएपनि सहन्छु तर प्रकृतिलाई लुकाउन सक्दिनँ ।’ उनले अन्तरवार्ताका क्रममा भनेका थिए । जीवनभर एउटैसँग यौन सम्बन्ध गर्नुपर्छ भन्ने मान्यता प्रकृति विपरित रहेको राईको तर्क थियो । उनले एक पटकमा एक जनासँग यौन सम्बन्ध गर्नुपर्ने तर परिस्थितिअनुसार सुरक्षित रुपमा जति जनासँग गर्दापनि हुने उनको भनाइ थियो । पछिल्लो समय नयाँ शक्ति संयोजक बाबुराम भट्टराईसँगै बेलायत पुगेर फर्केका राईसँग नेपाल आजको सम्र्पक प्रयास सफल हुन सकेन । उनको मोबाइल निरन्तर अफ छ ।
राईको अन्तरवार्ता र सोसँग सम्बन्धित समाचार तलको लिंकमा क्लिक गरी हेर्न सक्नुहुन्छ ।
► कृषि वैज्ञानिक मदन राई भन्छन्, ‘लिंग र योनी छोप्ने कुरा होइनन्’ ► बिद्वानको विवादास्पद अभिव्यक्तिः नेपालमा हरेकले परपुरुष परस्त्रीसँग शारीरिक सम्बन्ध राख्छन् ► बजारमा आउँदै छ यस्तो किताब जसको नाम तपाईले भन्न पनि सक्नुहुन्न !
Kalpana Dhamala madan rai Naya Shakti Nepal
