बेइजिङको मेट्रो रेल स्टेशनभित्र मोडलहरुको एक समूहले आफ्नो अनुहारमा कन्डम टाँसेर उभिएपछि स्टेशन केही बेर अशान्त भयो । यात्रुहरु यी युवतीहरुले आखिर किन यस्तो गरिन् भन्ने विषयमा जान्न निकै उत्सुक थिए । केही युवतीहरुले अनुहारसँगसँगै हात र छातिमा समेत कण्डम टाँसेका थिए । उक्त कार्य गर्न चीनका एक कण्डम कम्पनिले ती मोडलहरुलाई लगाएका थिए । त्यसो गर्नुको उदेश्य कण्डममा प्रयोग गरिएको लुब्रिकेन्ट मानिसको लागि हानिकारक नभएर यसले छालालाई समेत फाइदा पुग्ने देखाउन त्यसो गरिएको बताइको छ । युवतीहरुको समूह कण्डम निधारमा टाँसेर रेल स्टेशनमा बसेपछि मानिसहरुको ठूलो भिड लागेको थियो । तुरुन्तै यात्रुहरुले उक्त फोटो सामाजिक सञ्जालमा राखेपछि उक्त फोटो भाइरल भएको थियो । तर कण्डम कम्पनिले गरेको सो कार्यको धेरै मानिसहरुले विरोध जनाएका छन् । यस प्रकारको भद्धा र मजाकपूर्ण मुर्खता आगामी दिनहरुमा नदोहोर्याउन मानिसहरुले कण्डम कम्पनिलाई सर्तक गराएका छन् ।एजेन्सी