साउन - १३ । राजधानीमा भएको एक कार्यक्रममा प्रधानमन्त्री केपी ओलीले साग विजेता खेलाडीहरुलाई सम्मान गरेका छन् । ओलीले भने आफू प्रधानमन्त्री रहे पनि नरहे पनि सधैं खेलाडीहरुको साथमा रहने स्पष्ट पारेका छन् । बिहिबार दक्षिण एसियाली खेलकुद सागका पदक विजेता खेलाडीहरुको सम्मान कार्यक्रममा प्रधानमन्त्री ओलीले प्रधानमन्त्री हुनुसँग निर्णय आफैंले गर्छु कि गर्दिन भन्ने मात्र सम्वन्ध रहने बताए । प्रधानमन्त्रीबाट हटेपछि पनि आफू एमाले संसदीय दलको नेता रहने भन्दै उनले अरुबाट निर्णय गराउन सक्ने बताए । प्रधानमन्त्री ओलीले नेपालमा खेलकुदको निकै महत्व रहेको बताए । विगतमा राजा छान्नसमेत दौड हुने गरेको भन्दै उनले भने, ‘दौडिएर राजा हुन त छाडौं, स्वर्ण त प्राप्त गरौं ।’ उनले राष्ट्रिय स्वाभिमान उठाउन सकियो भने देशलाई अघि बढाउन सकिने धारणा राखे । आफ्नो नौ महिने शासनकालमा आपूmले धेरै क्षेत्रमा हात हाल्नुपरेका कारण धेरै उपलब्धी नदेखिए पनि राष्ट्रियता भने मजबुत पारेको दाबी गरेका छन् ।

KP Sharma Oli