साउन १७ । दूनियाँमा मान्छेलाई सनक पनि अनेक चल्छन् । ४२ वर्षका अमेरिकी स्काइडाइभर ल्युक एइकिन्सले त्यस्तै सनक देखाएका छन् । ल्युकको यो सनकलाई ‘अदम्य साहस’को संज्ञा दिँदा पनि हुन्छ । किनभने उनले सात किलोमिटर माथिबाट बिना प्यारासुट हाम्फालेर कीर्तिमान कायम गरेका छन् ।

हवाईजहाजबाट जमिनको जालीमा सुरक्षित हाम्फालेको दृश्य अमेरिकाको चर्चित टेलिभिजन च्यानले फक्सले प्रत्यक्ष प्रशारण गरेको थियो । ७ हजार ६ सय २० मिटर उचाईबाट उनले हाम्फालेका थिए । जालीसम्म आइपुग्न उनलाई दुई मिनेट लाग्यो । उनको गति उच्चतम् प्रतिघण्टा १९३ किलोमिटर प्रतिघण्टा पुग्यो । त्यति धेरै उचाईबाट हाम्फाल्दा वजनले धेरै ठूलो अर्थ राख्छ । किनभने वजन जति बढी भयो, त्यति नै धेरै जोखिम हुुन्छ । सुरक्षाका कारण ल्यूकलाई प्यारासुट बोक्न भने लगाइयो ।

Sky Driving