ब्राजिलको समाजमा अहिले घरेलु कामदारको पक्षमा मानिसहरुले समर्थन जनाएका छन् । घरेलु कामदारहरुलाई अपमान गर्ने, दूव्र्यवहार गर्ने घटनाहरु त्यहाँका कामदारहरुले सार्वजनिक गर्न थालेका छन् । यो तस्बिरमा अनौठो हुलिया भएकी महिला पनि ‘हाउसमेड’ अर्थात घरेलु कामदार हुन् ।

यीनको नाम जोस फर्नान्डिज हो । उनलाई आफ्ना मालिकले एक दिन भने, ‘ जोस तिमी नोकर्नी हुनकै लागि जन्मेकी हौं । त्यो भन्दा माथि आशा नगर ।’ आफ्ना मालिकको यस्तो कुराले जोसको मनमा चोट लाग्यो । अर्का एक मालिकका विषयमा जोसले भनेकी छन्, ‘जब मैले पढ्छु भनेर बिदा मागेँ, उनले भाग्यमै नोकर्नी बन्ने लेखेको छ भने पढेर के गर्छौ ? भने । ’

जोस अहिले कामबाहेक र्याप संगीतमा सक्रिय छिन् । उनी विद्यालयमा इतिहास पढ्छिन पनि ।  जोसले घरेलु कामदारका रुपमा आफूले पाएको दुःख फेसबुकमा लेखिन । जसलाई धेरै मानिसहरुले चासो देखाए । अहिले ‘आइ हाउसमेड’ ह्यासट्यागले ब्राजिलमा खुब चर्चा पाइरहेको छ । यसलाई धेरैले फलो गरेका छन् । घरेलु कामदारप्रति धेरै मानिसहरुले समर्थन पनि जनाइरहेका छन्