साउन १९ । सहमतिको सरकार नाटक हो । त्यस्तो कुरा यहाँ नगरौं । तर एउटा कुरा ख्याल राख्नुस्, हामी तपाईहरुलाई काम लाग्ने सक्ति हौं । अहिले तपाईलाई यो कुरा थाहा हुन गाह्रो छ । किनकि शरीरमा अर्कै उमंग चढिरहेको बेला छ ।

५/ ६ महिना काँग्रेसलाई भोगेपछि आजित भएर सहयोग माग्न आउनु भो भने मेरो बचन भो–प्रतिशोध, आग्रह, केहि नराखी उपयुत निर्णय गरिनेछ ।’ शनिबार फकाउन आएका प्रचण्डलाई केपी आलीले यसो भन्दै तर्काएका छन् । शुरुमै भने–राष्ट्रिय सहमतिको सरकार सम्बन्धी एजेण्डामा एमाले प्रवेश गर्नै चाहँदैन ।

हाम्रो नेतृत्वमा काँग्रेस आएन । ‘तपाइहरुले पनि गलत नियतका साथ बीचैमा छाड्नु भो । अब एमाले तपाइहरुको पुच्छर लाग्न किन आउँछ ?’ वार्तामा सहभागी सुवाष नेम्वाङ र भीम रावलको साझा सोधाई थियो– हैन, काँग्रेस त राष्ट्रिय सहमतिको पक्षमा थिएन । उसको नीति फेरिएको हो र ? ‘काँग्रेससहितको बैठकले सबैसँग कुरा गर्न आफूलाई म्याडेट दिएको हुँदा यसलाई त्यसै गरी बुझिदिनुहोस ।’ प्रचण्डको आग्रह थियो । ओलीले त्यसैमा थपे– चैतमा स्थनीय निकायको चुनाव गर्ने र सरकार पनि फेर्ने भन्दै हुनुहुन्छ । त्योचाहिँ दुनियाँलाई मुर्ख बनाउने मेला हो । अब त्यसरी तीनथरि चुनावको चक्करमा नलागौं बरु सोझै प्रतिनिधिसभा निर्वाचनको तयारी गरौं । त्यो गर्दा संसद त बच्छ !’ यस्तै यस्तै भन्दै झोँकका कुरा नमिलेर फिर्ता भएपछि प्रचण्डको निम्ति बहुमतीय सरकारको ढोका खुलेको हो । जनआस्था साप्ताहिकबाट