भदौ ५ । गत शुक्रबारदेखि प्रर्दशनमा आएको फिल्म ‘वीर बिक्रम’ ले नेपालभर हाउसफुल व्यापार गरिरहेको रिपोर्ट आएको छ । मल्टी स्टार फिल्म ‘वीर बिक्रम’ ले गोपीकृष्ण, अष्टनारायणलगायत राजधानीका अन्य हलहरुमा दर्शकहरुको साथ पाइरहेको छ ।

त्यस्तै गरी पोखरामा पनि दर्शकको चाप बढेपछि रात्रीकालीन ‘सो’ समेत चलाइएको निर्माता तथा निर्देशक मिलन चाम्सको भनाइ छ । कति राम्रा नेपाली फिल्म पनि चल्न नसकेको प्रशस्तै उदाहरण देखेका चाम्सले दर्शकको चाप त्यति उल्लेखनीय हुन्छ भनेर सोचेका थिएनन् ।

दयाहाङ राई, अर्पण थापा, अनुप बिक्रम शाही, दीया पुन, नाजिर हुसेनलगायतको अभिनय रहेको उक्त फिल्मले दर्शकहरूको राम्रो प्रतिक्रिया पाइरहेको छ ।