शरीरभरी बाक्लो कालो उन तथा माथितिर घुम्रिएको दाह्रा भएको हात्तीको प्रजाति उली म्यामथ हो । हामीले कुनै चलचित्र वा डकुमेन्ट्रिमा यस हात्तीको प्रजाति ‘उली म्यामथ’देख्न सक्छौँ । अहिले भने यो प्रजाति पूर्ण रुपमा लोप भइसकेको छ ।  यसको अन्तिम समूह पिउने पानीको अभावका कारण सकिएको वैज्ञानिकले बताएका छन् । पृथ्वीको तापक्रम बढ्दै जाँदा हिम युगको उली म्यामथ पिउने पानीको अभाव भएर तिर्खा मेट्न नसकेकै कारण मरेको हुन सक्ने वैज्ञानिकको भनाई छ ।  अमेरिकाको अलास्का राज्यको ग्रामीण क्षेत्रमा रहेको उली म्यामथको अन्तिम समूह पाँच हजार ६ सय वर्ष अघि मरेको उनीहरुले बताएका छन् । यो प्रजातिका अधिकांश हात्ती झण्डै १० हजार ५ सय वर्ष अघि नै मरेको भएपनि अलास्कामा रहेको अन्तिम समूह समूद्रको नजिक बस्ने भएकाले थप ५ हजार वर्ष बाच्न सफल भएको बताइएको छ । शरीरभरी बाक्लो कालो उन तथा माथितिर घुम्रिएको दारा भएको हात्तीको प्रजाति उली म्यामथ हो ।

Mymal Elephant