असोज–१ । भारतका प्रधानमन्त्री नरेन्द्र मादीलाई प्रधानमन्त्री पुष्पकमल दाहाल प्रचण्डले शुभकामना दिएका छन् ।

भारतको चारदिने राजकीय भ्रमणमा रहेका प्रधानमन्त्री पुष्पकमल दाहालले भारतीय प्रधानमन्त्री नरेन्द्र मोदीलाई जन्मदिनको शुभकामना दिएका हुन् । जवाफमा मोदीले दाहाललाई ट्वीटरमा धन्यवाद भनेका छन् ।

मोदी सन् १९५० सेप्टेम्बर १७ मा भारतको गुजरातमा जन्मेका हुन् र उनको यो ६७ औं जन्मदिन हो । मोदीले बाल्यकालका धेरै बर्ष भादनगरस्थित आफ्ना बुबाको चिया पसलमा चिया बेच्न सघाएर विताएका थिए । गुजरातको मुख्यमन्त्री भएको बेला गुजरातले गरेको आर्थिक विकासका कारण नरेन्द्र मोदीको चर्चामा आएका थिए ।  भाजपाले दुई वर्षअघिको आम चुनावमा मोदी भन्दा वरिष्ठ नेता हुँदाहुँदै पनि उन भावी प्रधानमन्त्रीको रुपमा अगाडि सारेर चुनावी अभियान थालेको थियो । त्यो अभियान सफल पनि भयो ।