नेकपा माओवादी केन्द्र सम्बद्ध पत्रकारहरुको संगठन प्रेस सेन्टर नपालको पहिलो महाधिवेशन आज शुरु हुँदैछ । बिहान एघार बजे प्रधानमन्त्री एंव केन्द्रका अध्यक्ष पुष्पकमल दाहाल प्रचण्डले उद्घाटन गर्ने महाधिवेशनले नयाँ नेतृत्व र नीति तय गर्ने छ ।

स्थापना भएपछि महाधिवेशन गर्न नसकेको प्रेस सेन्टरमा निर्वाचनबाट नयाँ नेतृत्व चयन हुनुपर्ने आवाज उठेको छ । पत्रकार महासंघमा भुमिका पाएकालाई प्रेस सेन्टरमा कार्यकारी भुमिका नदिने यसअघि नै सहमति भएको बताइएको छ ।

सहमतिको प्रयास जारी

पार्टी नेतृत्वले सहमतिका आधारमा नेतृत्व चयनका लागि प्रयास गरिरहेको बताइएको छ । पत्रकार महासंघका पूर्वमहासचिव ओम शर्माको नाममा पार्टीले टिम बनाउँदै गरेको चर्चा चलिरहेको छ । उनले भने आफुले नेतृत्व नगर्ने बताइसकेका छन् ।

नयाँ नेतृत्वका लागि निर्वाचन

सहमतिको कुरा गर्दा यस अघि नेतृत्व सम्हालेकै व्यक्तिहरुको नाम आउने देखेपछि महाधिवेशनमा निर्वाचनको माग जोडतोडले उठेको छ । पत्रकारिता क्षेत्रमा प्रेस सेन्टरको भुमिका खुम्चिंदै गएको र यसका लागि यसअघिका नेतृत्वकर्मी जिम्मेवार रहेको भन्दै विरोधको स्वर सुनिन थालेको छ । अवसरको खात एउटै पंक्तिमा लागेको र यसले आमपंक्तिमा निराशा छाएको भन्दै निर्वाचनमा जानुपर्ने आवाज उठिरेको छ ।

नयाँ नेतृत्वका लागि कस्को दाबी

बिष्णु सापकोटा जुगल र बलराम थापा मध्ये एकको नेतृत्वमा निर्वाचनका लागि टिम बनाउन लागिएको बताइएको छ । दुई पक्ष मिलेर जाने र परिआए चुनावमा जाने गरी प्यानल निर्माण भइरहेको सूचना नेपाल आजलाई प्राप्त भएको छ । सचिन रोक्का, उपेन्द्र शर्मा, सन्तोष पौडेललगायतकालाई पदाधिकारीमा मिलाउने तयारी भइरहेको छ । महिलाबाट लक्ष्मी पुनले उपाध्यक्षमा आफ्नो दाबी सार्वजनिक गरिसकेकी छिन् । प्रभा बोगटी पदाधिकारीमा पर्ने निश्चितप्राय रहेको बताइन्छ । माओवादी महिला पत्रकार मध्ये शीर्ष तहमा रहेकी संगिता खड्का पत्रकार महासंघको सचिव भएकाले सेन्टरको कुनै पदमा नरहने बताइएको छ । उनी निर्वाचन मण्डलमा रहेर बाटो प्रशस्त गरिसकेकी छिन् ।

गोविन्द आचार्यले गरे मार्ग प्रशस्त

पत्रकार महासंघको भावि अध्यक्षका रुपमा हेरिएका प्रधानमन्त्री प्रचण्डका प्रेस सल्लाहकार गोविन्द आचार्यले प्रेस सेन्टरको नेतृत्वमा नरहने यसअघि नै स्पष्ट गरेका छन् । पत्रकार महासंघको उपाध्यक्ष र पारिश्रमिक निर्धारण समितिमा रहँदा उदाहरणीय काम गरेको भनि उनको तारिफ हुने गर्दछ ।

चर्चा जाँड र घुसपैठको

महाधिवेशन प्रतिनिधिले कतिपय नेतामाथि गम्भीर आरोप लगाएका छन् । एमाले निकटका पत्रकार र पत्रिकालाई सूचना पुराउने गरको, जाँड खाएर मनपरी स्टाटस लेख्ने र अभिव्यक्ति दिने गरेको चर्चा चलेको छ । संगठनको नेता भएपनि अर्को संगठनको कारिन्दाको हैसियतामा प्रस्तुत भएको तथा विदेश घुम्ने लोभमा अनधिकृतरुपमा अर्को संगठनमा आवद्ध व्यक्तिहरुलाई नेताहरुको पहुँचमा पुर्याउने गरेको आक्षेप लाग्न थालेको छ । ठाऊँमा बसेर पनि भुमिका निर्वाह नगर्नेे, तर्क गर्नुपर्ने ठाऊँमा मौन बस्ने तथा बोल्न नपर्ने ठाऊँमा अनावस्यक बोलेर संगठनलाई क्षति पुर्याउने प्रवृत्तिप्रति सजग रहन प्रतिनिधिलाई नेतृत्वका नयाँ आकाँक्षीले अपिल गरिरहेका छन् ।

Om Sharma Press Cener