भारतको दलालीको लागि बनेको मधेसी मोर्चाले आफ्नो दिन गन्ति शुरु गरोस् (भिडियोसहित)
माघ ४ । सञ्जीवकुमार झा मधेसी मोर्चा र मोर्चाका नेतामाथि एक्लै जाइलाग्ने मधेसकै युवा हुन् । मधेसी मोर्चा मधेस र मधेसी जनताको अधिकारको सवाल उठाएर लामो समयदेखि आन्दोलनमा छ । तर झाको मतमा मधेसी मोर्चाको आन्दोलनको कुनै तुक छैन । किनभने– मोर्चामा भएका नेताहरु पटक पटक सरकारमा गएका छन् । विभिन्न मन्त्रालय सम्हालेका छन् । त्यो बेला उनीहरुले मधेसको विकासकालागि सिन्को भाँच्ने काम गरेनन् । अहिले भारतको इशारामा, भारतकै हितका लागि, भारतबाट पसेका अंगीकृतहरुका लागि मोर्चा ज्यान फालेर लागि परेको छ । मधेसी मोर्चा र मधेसबीच कुनै साइनो छैन ।
झा एमालेको युवा संगठन युवासंघका सचिवालय सदस्य पनि हुन् । मोर्चाले एमालेमुक्त मधेसको अभियान सञ्चालन गरेपछि अझ अझै आक्रामक बनेका छन् । उनी भन्छन्, ‘भारतले सीमा मिच्छ मोर्चा बोल्दैन, मधेसीको छातीमा गोली ठोक्छ, मोर्चा बोल्दैन, मधेसीमाथि भारतकै उत्पीडन छ मोर्चा बोल्दैन, ठूला योजनामा भारत भाँजो हाल्छ मोर्चा बोल्दैन, हुलाकी राजमार्ग दशकौं अल्झायो त्यसमा पनि मोर्चा बोल्दैन । अनि अहिले मोर्चाका नेता मधेसवादी हुने तर अन्यायमा बोल्ने एमाले मधेसविरोधी ?’
उनले अब भारतको दलालीका लागि गठन भएका मधेसी क्षेत्रीय पार्टीहरुको औचित्य समाप्त भएको दाबी गरेका छन् ।
[embed][/embed] sanjib kumar jha yuva sangh
