यसरी देखाइयो प्रधानमन्त्री प्रचण्डलाई रक्सीको तालमा
सयुंक्त अरब इमिरेट्स पुगेका प्रधानमन्त्री पुष्पकमल दाहाल प्रचण्डले रक्सीको तालमा देशको बदनाम गरेको भनिएको फोटो सामाजिक संजालमा भाइरल हुन बेर लागेन । राजेश मिश्रदेखि रमा सिंहले प्रचण्डले खुट्टा लरबराएको देखिने तस्विर पोष्ट गर्दै देशको बदनाम भएको जिकिर गरे । यसैगरी लहैलहैमा प्रधानमन्त्री प्रचण्डलाई आलोचना गर्नेको संख्या बढ्दै गयो । प्रचण्डका आलोचक र बिरोधीले यसलाई मसलाको रुपमा प्रयोग नगर्ने कुरै भएन । कुरा बुझ्दै जाँदा यथार्थ अर्कै रहेछ । सामुहिक तस्विर खिचाउँने बेलामा प्रचण्ड अलमलिएका रहेछन् । किनारमा रहेका प्रचण्ड मध्यभागमा जानका लागि खुट्टा लम्बाएका रहेछन् । सामुहिक तस्विर लिँदै गर्दा कसैले भिडियो खिचेको रहेछ । सोही भिडियोको दृष्य काटेर प्रचण्डलाई रक्सीको तालमा देखाइएको बुझिएको छ ।
यसअघि प्रचण्डले सामाजिक संजालले अति गरेको अभिव्यक्ति दिएका थिए । देशका प्रधानमन्त्री प्रचण्डको विदेश जाँदाको सन्दर्भलाई समेत अतिरंजित गरिएपछि उनले के गर्नेछन् ? धेरैले चासो व्यक्त गरेका छन् । प्रधानमन्त्रीको सचिवालयले यसबारेमा बुझ्दै गरेको जनाएको छ ।
[nepalaja_video type="youtube" id="YsYf84RedPU" width="700px"] भिडियो: रिखी राम पौडेल prachanda drunk fake
