विश्वको दोस्रो ठूलो हिरा खानी, जसको माथि हेलिकप्टर उड्दा खानीमा खस्थे
पूर्वी साइबेरियाको सबैभन्दा ठूलो हिराको खानी ‘मिरनी माइन’ हो । यो विश्वको दोस्रो ठूलो मानव निर्मित खाडल हो । पहिलो सबैभन्द ठूलो मानव निर्मित खाडल बिंघम काँपर माइन हो । यो १७२२ फीट गहिरो र ३९०० फीट चौडा रहेको छ । मिरनी माइनलाई १३ जुन १९५५ मा सोवियत संघका वैज्ञानिकहरु एक टोलीले पत्ता लगाएका थिए । यो माइनको खोजी कार्यमा यूरी खबरदिन, एकातेरिना एलाबीन र विक्सर एवदीन संलग्न थिए । यो माइनको खोजी गर्ने मध्येका एक सोवियत जियोलोजिस्ट यूवी खबरदीनलाई १९५७ मा लेनिन प्राइज दिएको थियो ।
यस माइनको विकास कार्य १९५७ देखि सुरु भएको हो । यो ठाउँमा धेरै समय मौसम खराब नै रहिरहन्छ । ठन्डी मौसममा यहाँको तापक्रम यति तलपुग्छ कि गाडीको इन्धन पनि जम्छ र टायर पनि फुट्छ । यो माइनलाई खन्दा कामदारहरुले जेट इन्जिन र डाइनामाइट्सको प्रयोग गरेका थिए । कामदारहरुले राति यसको मुख छोपेर छोडिदिन्थे ता की मेसिन खराब नहोस् । यो माइनको खोजपछि रुस हिरा उत्पादन गर्ने देशहरुमध्ये तेस्रो ठूलो देश बनेको थियो । यो माइनबाट हरेक वर्ष १० मिलियन क्यारेट हिरा निकालिन्थ्यो ।
यो माइन धेरै विसाल बनेको थियो । यसको माथि उड्ने हेलिकप्टर पनि हावाको चापको कारण यस माइनमा खस्ने गर्दथे । त्यसपछि यसको माथिबाट कुनै पनि उडान गर्न बन्देज लगाइएको थियो । तर, २०११ देखि यस खानीलाई पूर्ण रुपमा बन्द गरिएको छ ।
मिरनी माइन
