२० बुँदे पोखरा घोषणपत्र जारी गर्दै नेकपा (एमाले)को जनवर्गीय संगठनहरु आवद्ध केन्द्रीय पदाधिकारीहरुको भेला तथा प्रशिक्षण सम्पन्न भएको छ । पार्टी भेलालाई पूर्वप्रधानमन्त्री एवम् एमाले अध्यक्ष केपी शर्मा ओलीले उद्घाटन गरेका थिए । माघ ९ गतेदेखि पोखरामा भएको भेलामा नेकपा एमालेका २० जनवर्गीय संगठनका झण्डै ४ हजार प्रतिनिधि सहभागी थिए । हरेक जनसंगठन पार्टीको नीति, कार्यक्रम र सिद्धान्तप्रति प्रतिबद्ध रहँदै र संगठनात्मक सिद्धान्तअनुरूप स्वायतढंगले आ–आफ्नाे संगठन परिचालन गर्न प्रतिबद्ध भएर लाग्ने घोषणा गरेको छ । भेलाले पार्टीको नीति, कार्यक्रम र सिद्धान्तप्रति प्रतिवद्ध रहने, पार्टीको संगठनात्मक सिद्धान्त अनुरुप आआफ्ना संगठन परिचालित गर्ने, सबै जनवर्गीय संगठनहरुमा महिला, दलित, अल्पसंख्यक, तराइबासी मधेसी, जनजाति, मजदूर, किसान आदिको समावेशी प्रतितिनिधित्व गर्ने घोषणा गरेको छ । त्यसैगरी जनवर्गीय संगठनहरुको बीचमा एक आपसमा सहयोग आदानप्रदान गर्ने, नेकपा एमालेको सातौं केन्द्रीय बैठकले पार्टी एकताको लागि जारी गरेको विशेष प्रस्तावको समर्थन गर्ने, औपचारिक कार्यक्रमलाई तडकभडक नबनाउने, जातीय छुवाछुत, लैगिंक तथा सामाजिक विभेदपूर्ण व्यवहार गर्ने, महिला हिंसा र साम्प्रादायिक विद्वेष बढाउने व्यवहारको सामूल अन्त्य गर्ने र नेपालको संबिधान कार्यान्वयनमा दुढ प्रतिवद्धता जाहेर गर्ने कुरा पोखरा घोषणामा उल्लेख गरिएकाे छ । त्यसैगरी भेलाले संविधान संशोधनको प्रस्ताव फिर्ता लिन माग गर्ने, ०७४ सालको माघ ७ भित्रै तीनवटै तहको निर्वाचन सम्पन्न गर्न तत्काल निर्वाचनको मिति घोषणा गर्न माग गर्ने र नेकपा एमालेले आगामी फागुन २१ गतेबाट सुरु गर्ने मेची महाकाली अभियान सफल पार्ने घोषणा पनि गरेको छ ।

Pokhara Declaration UML UML