माघ १६ । केही महिनाअघि सामाजिक सञ्जालमा ‘कञ्चन शर्मा प्रकरण’ले व्यापक चर्चा बटुलेको थियो । कञ्चनको कथा तरकारीवाली र चियावाला झै हावासरी फैलियो ।

कञ्चनको प्रशंग आयो, गयो । विवाद उत्कर्षमा पुगेको बेला उनका पूर्वपति मोहन रेग्मीले भनेका थिए, ‘बाध्यता त छैन तर उनलाई १० लाख रुपैयाँ दिएर सुखी जीवनको कामना गर्न सक्छु ।’

यति बेला प्रश्न उठेको छ, ‘यतिका बेला भइसक्यो के मोहनले कञ्चनलाई १० लाख दिए त ?

कञ्चनको भनाइ अनुशार अहिलेसम्म मोहनले एक रुपैयाँ पनि दिएका छैनन् । कञ्चनले मागेकी छैनन्, मोहनले दिएका पनि छैनन् ।

उनले नेपालआजसँग भनिन्, ‘एक नारीलाई फोहोर सरह सडकमा फालेपछि १० लाखको अर्थ छैन । गाँस बास र कपासको व्यवस्था हुनुपर्छ ।’

मोहनले यस विषयमा कुनै चासो नदेखाएको कञ्चनले बताइन् । न त कञ्चनले नै मोहनसँग सम्पर्क गरेकी छिन् । यसका साथै कञ्चन बसिरहेको पवित्र समाजसेवा नेपालकी दीक्षा चापागाई पनि यस विष्यमा मौन छिन् । कञ्चनले उक्त अधिकार पाउनुपर्छ भन्ने विषयमा दीक्षाले पनि आफूले माोहनसँग केही सम्पर्क नगरेको बताइन् ।

केही महिना अघि कञ्चन शर्मा प्रकरणले मिडिया ततायो । कञ्चनले न्याय पाउनुपर्छ भन्दै मोहनका परिवारलाई सामाजिक सञ्जालमार्फत आक्रमण गर्ने एउटा जमात थियो । त्यस्तै अन्य जमात कञ्चनका आफ्नै कमजोरीले सडकमा गएको या घर बिग्रेको भन्नेहरु पनि थिए ।

कञ्चनले आफूलाई पति मोहन रेग्मीले घरबारविहीन बनाएको र दुई छोराहरुले पनि केही वास्ता नगरेको बताएकी थिइन् । उनका पति मोहन रेग्मी इन्जिनियर हुन् भने दुई छोरा इन्जियिरङ पढ्दै छन् । एकतर्फी रुपमा पतिलाई आरोप लगाएपछि कञ्चनका आफ्नै कमी कमजोरीहरु पनि बाहिरिएका थिए । उनको कूलतमा परेको कुराहरु बाहिरिन थाले पछि उनी मौन भएकी थिइन् ।

वस्ताविकता जे जस्तो भएपनि कञ्चनले पैसा नभएर आफूलाई गाँस, बास र कपासको पूर्ण रुपमा व्यवस्था गरिदिनुपर्ने बताएकी छिन् । यो आफ्नो अधिकार भएको र उनले बताइन् । । कञ्चनको भनाइअनुसार उनीहरु बीचको झगडा विभिन्न संचार माध्यममा आए पनि उनी दुईबीच भने त्यस्तो कुनै सहमति भइसकेको छैन ।  कञ्चनले अहिले धापासीस्थित पवित्र समाजसेवा नेपालमा आश्रय लिएकी छन् ।

यता मोहन रेग्मीले भने रकमको लागि वकिल र पत्रकारसँग मिलेर कागज र डकुमेन्टको लागि तयारी गरिरहेका छन् । यो विषय आन्तरिक जस्तो देखिए पनि पूर्ण रुपमा आन्तरिक नभएका कारण उनले आफूले सोझै कञ्चनलाई सम्पर्क नगरेको बताए ।

यसको लागि कञ्चनको तर्फबाट पत्रकार मोहन चापागाइ र आफ्नो तर्फबाट कानून व्यवसायी कुमारी खरेलबीच यो कुरा भइरहेको उनले बताए । सो रकम कञ्चनकै पालणपोषणमा खर्चियोस् भन्ने मोहनको चाहना रहेको छ । रकमजस्तो कुरा दिँदा निश्चित व्यतिmको हातमा पर्नुपर्ने हुनाले उनले अहिले कञ्चनकी आमासँग सम्पर्क गरिरहेको बताए । पहिला १० लाख दिने कुरा भएपनि अब ११ लाख दिन लागेको उनले अवगत गराए । रकम उपलब्धि गराउनेबारे अहिले आफू अन्तिम चरणमा पुगिसकेको उनले बताए । –कञ्चन न्यौपाने