काठमाडौं । प्रधानमन्त्री शेरबहादुर देउवाले मन्त्रिपरिषद् विस्तार गरेका छन् । उनले राप्रपाका नेताहरुलाई मन्त्री नियुक्त मन्त्रिपरिषद् विस्तार गरेका हुन् । 

जसअनुसार, राप्रपा अध्यक्ष कमल थापा उपप्रधानमन्त्री भएका छन् । उनको मन्त्रालय भने तोकिएको छैन । यस्तै राप्रपा नेताहरु जयन्त चन्द, दिलनाथ गिरी, विक्रम थापा विनाविभागीय मन्त्री नियुक्त भएका छन् । यस्तै कुन्ती साही, भास्कर भद्रा, सुशील श्रेष्ठ र कान्ता भट्टराई राज्यमन्त्री नियुक्त भएका छन् । उनीहरु कसैको पनि मन्त्रालय तोकिएको छैन ।

नवनियुक्त मन्त्रीहरुलाई भोलि सपथ गराइने छ । योसँगै प्रधानमन्त्री देउवाले माओवादी केन्द्रका मन्त्रीहरुलाई बर्खास्त गर्ने सम्भावना बढेको छ ।