सिन्धुपाल्चोक । राप्रपा(प्रजातान्त्रिक)की सहमहामन्त्री तथा नायिका रेखा थापा भोट माग्न सिन्धुपाल्चोकको माझी बस्तीमा पुगेकी छिन् ।नायिका थापाले इन्द्रावती गाँउ पालिकाको माझी बस्तीदेखि चौतारा नगरपालिकाको विभिन्न ठाँउमा सभालाई सम्बोधन समेत गरिन् । उनले यसपटकको भोट हलो र रुखमा हाल्न मतादातालाई अनुरोध गरेकी छिन् ।

‘विकास गर्न र लोकतन्त्र जोगाउन लोकतान्त्रिक गठबन्धनलाई भोट दिनुस’ थापाले माझी बस्तीका मतदाताहरुसंग अनुरोध गरिन् ।

यस अघि देश भर प्रर्दशन भएको उनी अभिनित नेपाली कथानक चलचित्र रुद्रप्रियाले नेपाली दर्शकको मन जित्न सकेन । नौ वर्ष पछि जुराइएको आर्यनसँग को रोमान्सलाई अरुनै उदयमान कलाारहरुले बिस्थापन गरीदिए । सिनेमा चलाउनको लागि गायक राजेश पायल राई संग अफेयर भएको भनेर झ्याली पिटेपनि उनको यो सिनेमा चलाउने फण्डामात्र हो भनेर सबैले अड्कल लगाईहाले । बिरक्त भएपछि रेखाको सामुन्ने अब निर्वाचन मात्र छ ।

 
राप्रपा ( प्रजातान्त्रिक) का अध्यक्ष एवम सिन्धुपाल्चोकको प्रतिनिधिसभा क्षेत्र नं. २ का उम्मेदवार पशुपति शमसेर राणाको चुनाव प्रचारमा सहभागि हुँदै मत माग्न माझी बस्तीमा पुगेकी हुन् ।