काठमाडाैं । प्रतिनिधिसभा सदस्यका लागि मोरङ क्षेत्र नम्बर ६ वाम गठबन्धनका उम्मेदवार लालबाबु पण्डीत सवार गाडीलाई लक्ष्यित गरेर बम विष्फोट गराइएको छ ।
मंगलबार बिहान विराटनगरबाट घरदैलो कार्यक्रमका लागि पुराना हात्तिमुडा गाविसहुँदै अगाडि बढ्ने क्रममा बम विष्फोट भएको हो । बिष्फोटबारे जानकारी दिँदै नेकपा एमालेका नेतासमेत रहेका पण्डीतले भने, ‘म चढेको गाढीभन्दा करिब ६ मिटर पर बम विष्फोट भयो । बमका टुक्राहरु भेटिए, आवाज ठूलो आयो । सडक धुलाम्मे भयो ।’
घरदैलो कार्यक्रमको गन्तव्य पुग्न आधा किलोमिटर मात्रै वर विष्फोट भएको हो । घटनामा कुनै क्षति हुन पाएन । घटनाबारे अहिलेसम्म कसैले जिम्मेवारी लिएको छैन ।