महाराष्ट्र। भारतको महाराष्ट्रमा आयोजना गरिएको घोडा मेलामा सहभागी एक पाँच वर्षीय पद्मा नामक घोडीले सबैको मन जित्न सफल भएको छ ।

विभिन्न अवसरमा अनगिन्ती पुरस्कार जितिसकेको उक्त घोडीको मालिक इंदौरका बालकृष्ण चंदेलले उक्त घोडीलार्इ ४ वर्ष अगाडि आग्राको एक किसानसँग ६ लाख भारु मा किनेका थिए । पद्मालार्इ महाराणा प्रतापको घोडा चेतकको वंशज मानिएको छ ।

बालकृष्णले बताए अनुसार पद्मालार्इ दिनहुँ १० लिटर दुध, मिनरल वाटर, २ केजी चना, ५ किलो गहुँ, आधा किलो काजु र बदाम लगायत हरियो घाँस आवश्यकतानुसार खुवाउने गरेको बताउँछन् । हरेक दिन उक्त घोडालार्इ स्याम्पुले नुहाउने र गर्मीमा एसी राखेको कोठामा सुताउनु पर्ने पनि बताउँछन् ।

मेलामा लगभग ६ फिट उचाइ र ८५० केजी वजन भएको पद्मालार्इ मान्छेहरूले ७२ लाख सम्ममा खरिद गर्न तयार रहेका थिए, तर बालकृष्णले डेढ करोड नपार्इ बेच्न चाहेनन् । उनले उक्त घोडीको मूल्य २ करोड सम्म लागिसकेको तर उनी अहिले १० करोडमा पनि बेच्न नचाहेको बताए ।