विराटनगर । मोरङ क्षेत्र नम्बर ६ मा बामगठबन्धनका उमेदवार लालबाबु पण्डित विजयी भएका छन् । कांग्रेसका उम्मेद्वार शेखर कोइरालालाई हराउँदै उनी विजयी भएका हुन् । 

मोरङ क्षेत्र नम्बर ६ बाट उठेका पण्डितले शेखरलाई ६७५ मतले हराउँदै विजय हासिल गरेका हुन् । लालबाबुले ३३ हजार ९४१ र शेखरले ३३ हजार २६६ मत पाएका छन् । यो क्षेत्र कांग्रेसको गढ मानिन्छ ।

 संघीय समाजवादी फोरम नेपालका राजेश्वर विश्वासले ५२६१ मत ल्याएका छन्। राजपाका तरबेज अख्तर आलमले १११८ मत ल्याएका छन्।