बाजहरुले भरिएको एतिहाड एयरलाइन्सको एक विमानको फोटो सामाजिक सञ्जाल तथा सञ्चारमाध्यममा भाइरल बनेको छ । साउदी अरबका एक राजकुमारले ८० ओटा बाज विमानको सिटमा राखेर यात्रा गरेको खुल्न आएको छ ।

‘मेरो क्याप्टेन साथीले यो फोटो मलाई पठाएका हुन,’ एक रेडिट प्रयोगकर्ताले बाजहरुले भरिएको विमानको फोटो राखेर लेखेका छन् ।

साउदी अरब, कुवेत, कतारजस्ता देशमा बाज पाल्नु सामान्य कुरा हो । त्यसैले सो क्षेत्रका एयरलाइन्सहरुले विमानमा बाज साथमा लिएर यात्रा गर्न अनुमति दिन्छन् ।

तर बढीमा ६ ओटा मात्रै बाज लिएर यात्रा गर्न पाइने प्रावधान रहेको छ । वास्तवमा ती व्यक्तिले बाजका लागि पनि सिट बुक गराएका थिए ।

Saudi Prince