फागुन ४ । ‘यो विमल एक्लै हिँड्न खोज्दैछ । आफू हिरो बनेर मलाई खराब देखाउन खोज्दैछ । यसरी कहा हुन्छ भनेको ? ’

गृहमन्त्री विमलेन्द निधिले सकेसम्म निर्देशन उल्लंघन गर्न चाहेको निर्देशन मानिहाले पनि आफूलाई बद्नाम गरेर चोख्खिन खोजेको भन्द्र २८ गते साँझ सहयोगीमाझ यसो भनेका शेरबहादुर देउवा २९ को बिहानै बालुवाटार छिरे । कारण थियो, उपसभापतिसमेत बनाउन ठिक्क पारिएका विमलेन्द्रप्रतिको विश्वास घट्नु ।

विषय थियो प्रहरी महानिरीक्षक नियुक्ति । ‘२६ गतेदेखि भनेको भन्यैछ, । मलाई पनि मिल्दैन सकिँदैन भनेर हुन्छ ? ’कर्कश स्वमा देउवा पड्किरहँदा तल्लो तलामा उनको सचिवालयमा बसेका केही कार्यकर्ता चूपचाप यो कुरा सुनिरहेका थिए । बुढानिलकण्ठस्थित देउवा निवासको दृश्य हो यो । –जनआस्था साप्ताहिकबाट