अफ्रीकाको दक्षिणी सूडानमा बस्ने मुन्दारी नामको जनजाति हिन्दू धर्म मान्दैनन् तर उनीहरुका लागि गौमुत्रको उत्तिकै ठूलो महत्व छ । उनीहरु गाईले पिशाब फेरिरहँदा टाउको थापेर नुहाउँछन् । यसमा कुनै धार्मिक कारण भने छैन ।

यो जनजातिका मानिसहरु गर्मीबाट बच्नको लागि गौमुत्रले नुहाउने गर्छन् । पानीले नुहाउँदा भन्दा गौमुत्रले नुहाउँदा शरीरलाई शितलता मिल्ने विश्वास उनीहरुको छ । यति मात्र होइन, उनीहरु आफ्नो शरीरमा गाईको गोबर लेपनसमेत गर्छन् । यसबाट छालामा लाग्ने रोगहरुबाट बच्न सकिने उनीहरुको मान्यता छ ।

यो जनजातिको जीवनमा पशुको ठूलो महत्व छ । त्यसमा पनि गाई र गोरुलाई उनीहरु विशेष माया गर्छन् । लामखुट्टेबाट जोगिन उनीहरु गाई (गोरुको गोबरबाट बनेको गुईंठाको खरानी शरीरमा दल्छन् ।

यहाँका मानिसहरुको जीवनको सबैभन्दा महत्वपूर्ण हिस्सा गाई नै हुन् । रोजगारीको मुख्य श्रोत भएकाले पनि गाईको हेरचाहमा उनीहरु खुबै ध्यान दिन्छन् । आफ्नो गाई चोरी होला कि भनेर परिवारका एक सदस्य गोठमा नै सुत्ने गर्छन् । विहेमा दाईजोको रुपमा पनि गाई नै दिने प्रचलन छ ।

South Sudan