फागुन – ९ । सरकारले स्थानीय निकायको चुनाव आगामी बैशाख ३१ गते गराउने निर्णय गरेको छ । मन्त्रिपरिषदको सोमबार बसेको तेस्रो बैठकले सो निर्णय गरेका हो । बैठकले एकै चरणमा निर्वाचन गर्ने र त्यसका लागि १० अर्ब २९ करोड ६३ लाख ७६ हजार वजेट दिने निर्णय समेत गरेको छ। स्थानिय चुनावको विषयलाई लिएर प्रमुख प्रतिपक्षी दल नेकपा एमालेले शंका ब्यक्त गर्दै आएको थियो । चुनाब नगराउन सरकार लागि परेको आरोप एमालले लगाएको थियो । सरकार र प्रमुख प्रतिपक्ष दलबीचको आरोप र प्रतिआरोपबिच चुनाबको मिति घोषणा भएको हो । स्थानीय तहकाे निर्वाचन २०५४ साल यता हुन सकेकाे थिएन । बैठकले संसदमा टेबुल गरिएको संविधान संशोधनको प्रस्तावलाई भोलि १० गते मंगलबारदेखि अगाडि बढाउने निर्णय समेत गरेको छ । यस्तै, स्थानीय तह पुनर्संरचना आयोगले सरकारलाई बुझाएको प्रतिवेदनलाई एक हप्ताभित्र टुङ्गाउने निर्णय गरेको छ । मन्त्री हितराज पाण्डेको संयोजकत्वमा रहेको कार्यदलले पेश गरेको सुझाव मनासिव रहेको ठहर गर्दै एक हप्ताभित्र विज्ञहरु समेतको राय लिएर पूनर्संरचना प्रतिवेदन टुङ्गाउने निर्णय गरेको हो ।

निकायको चुनाव