दूनियाँका अगाडि प्रचण्डको हातको टीका थापेकी रेखा लाजै नमानी भन्छिन्, ‘म कहिल्यै माओवादी थिइनँ’(भिडियोसहित)
राष्ट्रिय प्रजातन्त्र पार्टीको एकता महाधिवेशनमा कलाकारहरुको दौडधौप रोचक देखिन्छ ।
केही समय पहिले राप्रपामा प्रवेश गरेकी नायिका रेखा थापा, गायिका कोमल वलीलगायतका कलाकार केन्द्रीय सदस्यका उम्मेदवार छन् । नायिकाहरुका अघिपछि राम्रै भीड देखिन्छ । नेकपा माओवादी केन्द्र परित्याग गरि राप्रपामा प्रवेश गरेकी नायिका रेखा थापा महाधिवेशनको आकर्षण बनेकी छिन् । महिलातर्फबाट केन्द्रीय सदस्यकी उम्मेदवार रहेकी थापा मतदातासँग गफमा मस्त देखिन्छिन् ।
महाधिवेशन स्थल भृकुटीमण्डपमा नेपाल आजसँग कुरा गर्दै नायिका थापाले राप्रपा आफ्नो पहिलो र अन्तिम पार्टी भएको बताइन् । उनले माओवादीको आफूले कहिल्यै सदस्यता नलिएको दाबी गरिन् । माओवादीप्रति आकर्षणले मात्र लागेको तर राजनीतिकरुपमा आफ्नो पहिलो र अन्तिम पार्टी राप्रपा नै भएको उनको भनाइ छ । माओवादीले २०६६ सालमा गरेको छ दिने आम हडतालमा माओवादी अध्यक्ष प्रचण्डसँग कम्मर मर्काइ–मर्काइ नाँचेपछि थापा राजनीतिक वृत्तमा चर्चित भएकी थिइन् । ‘प्रचण्ड र कमल थापा मध्ये को राम्रो ?’ नेपाल आजको प्रश्नमा नायिका थापाले भनिन्, ‘कमल थापालाई सबैले मन पराउँछन् । प्रचण्डजीले पनि मन पराउँनुहुन्छ । सबै जनताले मन पराउछन् ।’ अर्थात नायिका थापाका लागि कमल थापा नै ‘द बेष्ट !’ 
राप्रपाले देश र जनतालाई जोड्ने मुद्दा लिएको नायिका थापाको भनाइ छ ।
उनले आफूलाई संघीयता मन नपरेको प्रष्ट गरिन् । उनले पार्टीको सबै तह र तप्कासँग चिनापर्ची गर्न र तलैबाट मजबुत भएर नेतृत्वमा पुग्नका लागि उम्मेदवारी दिएको जनाइन् । माओवादीले यसअघि संविधानसभाको निर्वाचनमा आफूलाई टिकट दिएकोमा कृतज्ञता व्यक्त गरेकी थापाले देशका लागि आवश्यक पार्टी भने राप्रपा भएको टिप्पणी गरिन् ।
माओवादीले थापालाई दोस्रो संविधानसभामा पर्साबाट उम्मेद्वारसमेत बनाउने निर्णय गरेको थियो । मतदाता नामावलीमा नाम दर्ता नभएकाले उनी चुनावी प्रतिस्प्रर्धा गर्नबाट बञ्चित भएकी थिइन् । महाधिवेशनकै सन्दर्भमा नेपाल आजसँग कुरा गर्दै केन्द्रीय सदस्यका प्रत्याशी सुनिलबहादुर थापाले एकता महाधिवेशन ऐतिहासिक हुने बताए ।
kamal thapa nai best rekha thapa
