फागुन ११ । म्यानपावरवाली आशा लामालाई राजदूत बनाउन नेपाली कांग्रेसले सिफारिस गरेको घटनामा डा. शेखर कोइरालाले कडा आपत्ति जनाएका छन् ।

[caption id="attachment_57400" align="alignleft" width="300"] अाशा लामा[/caption]

बुधबार सामाजिक सञ्जाल फेसबुकमा एक स्टाटस लेख्दै कांग्रेस केन्द्रीय सदस्य डा. कोइरालाले वैदेशिक रोजगारी व्यवसायी संघको निर्वाचनमा एमालेको कोटाबाट चुनाव जितेकी यि व्यक्ति कहिले कांग्रेस भइन् भन्दै प्रश्न उठाएका छन् । उनले म्यान पावर सञ्चालन गरेर बसेको व्यक्तिलाई राजदूत जस्तो मर्यादित पद दिँदा त्यसले नेपाली कांग्रेसको साख समाप्त हुने उनले दाबी गरेका छन् ।

हालको राजदूत सिफारिस समावदेशी पनि नभएकोले यस्तो सिफारिसलाई संसदीय समितिले गम्भीरतापूर्वक लिनु पर्ने नेता कोइरालाले धारणा राखेका छन् । कांग्रेस सभापति शेरबहादुर देउवाले कांग्रेस कोटाबाट आशा लामालाई राजदूत बनाउन मन्त्रिपरिषदबाट निर्णय गराएका थिए ।