२ सय क्याम्पसमा स्ववियू चुनाव सम्पन्न
फागुन - १८ । स्वतन्त्र विद्यार्थी युनियनमा आज देशभरका दुई सय क्याम्पसमा चुनाव सम्पन्न भएको छ । त्रिभुवन विश्वविद्यालयका ६० मध्ये २३ वटा आंगिक र करिव २ सय वटा सम्बन्धन प्राप्त क्याम्पसहरुमा स्ववियु निर्वाचन सम्पन्न भएको हो ।
काठमाडौका ७ र उपत्यका वाहिरका १६ गरी २३ वटा आंगिक क्याम्पसमा चुनाव सम्पन्न भएको छ । निर्वाचन सम्पन्न भएका क्याम्पसहरुको निर्वाचन मतपरिणाम आउन सुरु भएको छ । अन्य ३७ वटा क्याम्पसमा भने निर्वाचन हुन सकेन ।
विद्यार्थी संगठनहरुबीच विवाद भएका कारण उक्त क्याम्पसहरुमा निर्वाचन हुन नसकेको हो । निर्वाचन हुन नसकेका क्याम्पसहरुमा सम्बन्धित निर्वाचन समितिले नै चुनावको मिति घोषणा गर्ने त्रिभुवन विश्वविद्यालयले जनाएको छ ।
स्ववियु निर्वाचन
