फागुन २२ । मधेसविरोधी अभिव्यक्ति दिएको भनेर आलोचित नेकपा एमालेका अध्यक्ष केपी ओली सोमबार सुनसरीको इनरुवामा हुने आमसभालाई सम्बोधन गर्न मधेसीको पहिरन लगाएर सभास्थल पुगेका छन् । एमालेको मेची–महाकाली राष्ट्रिय अभियानको तेस्रो दिन अध्यक्ष ओली यस्तो पोशाकमा पुगेका हुन् ।

मधेशी मोर्चाले एमालेको अभियान मधेस विरोधी भन्दै अवरोध गरिरहेका बेला ओली मधेशी पोशाकमा देखिए । मोर्चाले एमालेलाई मधेश विरोधी भनेर प्रचार गरेको छ । एमालेले भने मोर्चाको यो प्रचार चिर्न तथा राष्ट्रिय एकता कायम गर्न आफ्नो अभियान चलाएको बताएको छ ।