फागुन - २५ । सप्तरीको राजविराजमा झडप भएपछि स्थगित भएको नेकपा (एमाले) को मेची महाकाली अभियान भोलिबाट पुनः हेटाैँडादेखि सुरु हुने भएको छ । नेकपा (एमाले) चितवनले पत्रकार सम्मेलनको आयोजना गरी फागुन २८ गते जिल्लामा वृहत -याली र आमसभा गर्ने जनाएको छ । जिल्ला अध्यक्ष कृष्णभक्त पोख्रेलले केन्द्रीय अध्यक्षसहित तीन शीर्ष नेताले सभालाई सम्बोधन गर्ने बताए । बिहान जिल्लाको लोथरबाट शीर्ष नेतासहितको पाँचहजार भन्दा बढीको मोटरसाइकल -याली भरतपुरको चौबिस कोठीमा आएर जम्मा हुने सहभागीसहितको वृहत -याली नदी किनारमा पुगेर सभामा परिणत हुने उनले बताए । सभामा ५० हजार सहभागी हुने लक्ष्य राखिएको बताउँदै पोखरेलले -यालीमा विभिन्न जातजाति, समुदायको झाँकी प्रस्तुत गर्ने पनि बताउए। सो अवसरमा जारी विज्ञप्तिमा फागुन २३ गते सप्तरीमा भएको शान्तिपूर्ण आमसभा बिथोल्ने प्रयास भएकोमा दुःखव्यक्त गरिएको छ । फागुन २१ गते पूर्वको काँकडभित्ताबाट सुरु भएको अभियान चैत ७ गते सुर्खेतमा पुगेर सम्पन्न हुँदैछ । सप्तरीमा झडपपछि अभियान तीन दिनका लागि स्थगित गरिएको थियो ।

UML