फागुन - २६ । राप्रपा अध्यक्ष कमल थापा पुष्पकमल दाहाल नेतृत्वको सरकारमा सहभागी हुने भएका छन् । सरकारले विहीबार विस्तार गर्न लागेको मन्त्रिपरिषद्मा उनले उपप्रधानमन्त्री र स्थानीय विकास मन्त्रालय सम्हाल्ने सहमति भएको छ । थापासँगै राप्रपाले पर्यटन मन्त्रीमा पनि एकजनालाई पठाउन तयारी गरेको छ । तर, पर्यटन मन्त्री कसलाई बनानउ भने टुंगो लागिसकेको छैन । थापासहित पर्यटन मन्त्रीको आज साँझ साढे ६ बजे सपथ ग्रहणको तयारी गरिएको राप्रपा स्रोतले बतायो । अहिले स्थानिय विकासमन्त्रीमा माओवादीको सिफारिसमा हितराज पाण्डे र पर्यटन मन्त्रीमा कांग्रेसको सिफारिसमा जीवन बहादुर शाही छन् । पाण्डे र शाहीलाई फिर्ता बोलाउने तयारी भएको स्रोतले बतायो ।

kamal Thapa