राजनीतिक विश्लेषक अरुण कुमार सुवेदीको अनुसार नेपालको राजनीतिलाई कमल थापाले बिगत लामो समयदेखि प्रभाव पारिरहेका छन् । सुवेदीले नेपालआजको स्तम्भ कुरा खस्रा मिठामा कुराकानी गर्दै कमल थापा देशको लागि कुहिएको आलु भएको बताएका छन । ‘कमल थापा राजनीतिको मुख्य अश्विल खेलाडी हुन् ।’ विश्लेषक सुवेदी भन्छन्–‘ राप्रपा र कम्युनिष्टहरुले गर्दा देशमा सारा भद्रगोल गरेका छन् । परिवर्तनको नाममा पतन गरेका छन् ।’ नेपालआजसंग कुरा गर्ने क्रममा उनले कमल थापाको पछिल्लो कदम, स्थानिय चुनाव, मदेशी दलका एजेण्डा र प्रमुख राजनीतिक दलको भुमिकाको बारेमा विश्लेषण गरेका छन् । उनले भने–‘ प्रमुख दलहरुले आफ्नो एजेण्डा छोडेकाले देशको दुर्गती भएको हो । संविधान आएर कुनै परिवर्तन नभएकाले यस्तो संिवधान आउनुभन्दा नआउनु वेश । संविधान आएर खोई के परिवर्तन भयो ।’

प्रमुख ३ दलले आफ्नो राजनीतिक भविष्यको लागि देशको हितविपरित निर्णय गरेको उनी बताउछन् । देश अत्यन्तै खतरापुर्ण स्थितीमा रहेकाले संविधानले हानी पुर्याउने उनको तर्क छ । स्थानिय चुनावको लागि मधेसी दल तयार हुनेमा उनी शंका व्यक्त गर्छन् । उनी भन्छन् –‘अहिलेको संविधानले निकास दिदैन् । अराजक स्थिती उत्पन्न हुन्छ ।’ ‘राजा हिन्दुराज्य स्थापना होस् भन्नेमा छैनन् । हिन्दुराज्यको ग्राण्ड डिजाईनर अरुनै हो ।’ उनले भने–‘ देश अहिले अत्यन्त संक्रमणकालिन अवस्थामा छ । देशलाई सही बाटोमा अघि बढाउन कि त सैनिक शाशन लगाउनुपर्छ , कि त राष्ट्रपतीले भुमिका खेल्नुपर्छ ।’

arun kumar subedi kura khasra mitha कुरा: खस्रा मिठा अरुणकुमार सुवेदी