खोइ कहाँबाट आयो नयाँ वर्ष !
धेरै खोजेँ धेरै सोधेँ नयाँ वर्ष आयो भनि भने । म हेर्दै छक्क परेँ खोइ कहाँबाट आयो नयाँ वर्ष ।
सधैं झैँ घाम झुल्केकै थियो, च्यामे काम गरेकै थियो, हरिनारायण ड्यटी गएकै थियो । म हेर्दै छक्क परेँ खोई कहाँबाट आयो नयाँ वर्ष ।
देश रणमा जलेकै थियो, बाठाले लाटा मारेकै थिए, गरिबको आँखा आँसुले भरिएकै थियो । म हेर्दै छक्क परेँ खोई कहाँबाट आयो नयाँ वर्ष ।
सुन्तलिको भट्टी खुलेकै थियो, उनीहरु सधँै झैँ मदिरा पिएकै थिए, हुनेले चएन गरेकै थिए, म हेर्दै छक्क परेँ खोई कहाँबाट आयो नयाँ वर्ष ।
मानिसले बाटो भरीएकै थिए, बच्चाहरु फुटपातमा सुतेकै थिए, खलासी छिटो–छोटो भनेकै थियो । म हेर्दै छक्क परें खोई कहाँबाट आयो नयाँ वर्ष ।
पण्डित बाले जातलाई लात हानेकै थिए, रामेले हलो जोतेकै थियो, सानीले भारी बोकेकै थिई, म हेर्दै छक्क परें खोई कहाँबाट आयो नयाँ वर्ष ।
राति लाटोकोसेरो टुहुटुहु गरेकै थियो, बाटोमा कुकुर भुकेकै थिए, अनि बाटोमा सुनियो नयाँ बर्ष आयो, खोई कहाँबाट आयो नयाँ वर्ष
म सुन्दै छक्क परें ।
New Year New Year 2017
