जेठ–२ । स्थानीय निकाय पहिलो चरणको निर्वाचन अन्तर्गत काठमाडौं महानगरपालिकाको मतगणनामा नेपाली कांग्रेस दोस्रो स्थानमा आइपुगेको छ । चौथो स्थानबाट उक्लिदै कांग्रेस मंगलबार दिउँसो दोस्रो स्थानमा आउन सफल भएको हो ।
नेपाली कांग्रेसका राजुराज जोशीले अहिलेसम्म १७९ मत प्राप्त गरेका छन् । उनलाई तेस्रो स्थानका साझा पार्टीका किशोर थापाले १७२ मतका साथ पछ्याइरहेका छन् ।
काठमाडौंमा एमालेका विद्यासुन्दर शाक्यले भने २६९ मत प्राप्त गरेका छन् । प्रारम्भिक चरणको मतगणना भएकोले अहिले नै नतिजा एकीन गर्न सकिन्न । चुनाव अघि निक्कै चर्चामा रहेकी विवेकशील नेपाली दलकी उम्मेदवार रञ्जु दर्शनाको स्थिति भने काठमाडौंमा चौथोमा पुगेको छ । रञ्जुले अहिलेसम्म १२० मत प्राप्त गरेकी छन् ।