काठमाडाैँ काठमाडौं महानगरपालिकाको मतगणना निकै ढिलो भएको गुनासो बढेपछि प्रमुख निर्वाचन आयुक्त अयोधीप्रसाद यादव निरीक्षणका लागि आएका छन् । निरीक्षणपछि उनले धेरै ठाउँबाट मत गनेर भए पनि चाँडो सक्न कर्मचारीहरुलाई निर्देशन दिएका छन् ।

मतगणना कछुवा गतिमा भएपछि कार्यकर्ता, आममतदातामा मतपरिणामलाई लिएर उत्साह र जाँगरभन्दा पनि निराशा थपिएको भन्दै आक्रोशित बनेका थिए । मतगणनामा ढिलाइ हुनुलाई उनीहरुले निर्वाचन आयोगको गैरजिम्मेवारीपन भनी टिप्पणी गरेका थिए ।

अहिलेसम्म एउटा वडाको मात्र पूरै गणना सकिएको छ । अहिलेसम्म चार ठाउँबाट गणना भइरहेकोमा बेलुकासम्ममा ७ ठाउँबाट गन्ने तयारी भइरहेको छ । नयाँ बिल्डिङमा काम सुरु गर्न महानगरपालिकाका कर्मचारी लागिरहेका छन् ।