कास्कीको अन्नपूर्ण गाउँपालिकाको अध्यक्षमा नेपाली काँग्रेसका युवराज कुँवर चार हजार ६७२ मत ल्याई विजयी भएका छन् । उनका निकटतम् प्रतिद्वन्द्वी नेकपा एमालेका विष्णुबहादुर केसीले चार हजार ४०८ मत पाएका थिए ।

त्यस्तै गाउँपालिकाको उपाध्यक्षमा एमालेकी सगुन गुरुङले चार हजार ५८६ मत ल्याई विजयी भएका छन्। उनका निकटतम प्रतिद्वन्दी नेपाली काँग्रेसकी खिमकुमारी गुरुङले चार हजार ४६९ मत पाएका छन् । एघार वडा भएको सो गाउँपालिकामा १५ हजार ५६९ मतदाता रहेकोमा ११ हजार ४५० मत खसेको थियो ।