काठमाडौँः राष्ट्रिय जनता पार्टी नेपाल अागामी ३१ गते हुने लागेको दोस्रो चरणको स्थानीय तह निर्वाचनमा नजाने भएको छ । सरकारले आफूहरुलाई धोका दिएको भन्दै निर्वाचनमा सहभागिता नजनाउने र निर्वाचन गराउन पनि नदिने गरी आन्दोलनका कार्यक्रम सार्वजनिक गरेको छ ।

शुक्रबार राजधानीमा आयोजित पत्रकार सम्मेलन गरी संविधान संशोधनको माग राखेर राजपाले निर्वाचन बिथोल्नेगरी आन्दोलन कार्यक्रम सार्वजनिक गरेको हो । उम्मेदवारी दर्ता गर्ने दिनलाई लक्षित गर्दै सो पार्टीले जेठ १८ र १९ दुई दिन आमहड्ताल आह्वान गरेको छ ।

राजपाले जेठ १३ गतेदेखि आन्दोलन सुरु गर्ने भएको छ । १४ गते लाठी जुलुस र १५ गते वृहत अन्तरक्रिया गर्ने भएको छ भने १६ गते निर्वाचन कार्यलयमा तालाबन्दी गरी घेराउ हाल्ने राजपाले जारी गरेको विज्ञप्तिमा जनाइको छ । निर्वाचनसम्बन्धी सबै गतिविधि अवरोध गर्ने, निर्वाचन कार्यालय घेराउ गर्ने, लाठी जुलुस, मसाल जुलुस तथा आमहड्ताल गर्ने कार्यक्रम सार्वजनिक गरेको छ ।

राजपा