जेठ–१३ । भरतपुर महानगरपालिकाको वडा नम्बर १७ को मतगणना भइरहँदा एउटा बाकसमा १२५ वटा मत पत्र स्टिज लगाएको अवस्थामा फेला परेको छ । ती सबै मतपत्रमा सूर्य चिन्हमा छाप लगाएको पाइएको छ ।
१२५ वटा मतपत्रमा स्टिज लगाएको पाइएपछि केही बेर मतगणना स्थगित पनि भएको छ । तर अहिले ती मतपत्र गणना नगर्ने सहमति भएपछि मतगणना पुन सुरु गरिएको छ ।
पछिल्लो मतपरिणाम अनुशार नेकपा एमालेका मेयरका उम्मेदवार देवी ज्ञवालीले ३७ हजार १ सय १८ मत पाएका छन् । भने माओवादी केन्द्रकी उम्मेदवार रेणु दाहालले ३५ हजार ५ सय १८ मत पाएकी छन् । ज्ञवाली १६ सय मतका साथ अगाडि छन् ।