गुमेको किर्तिमान फर्काउन सगरमाथा उक्लिँदै गर्दा अस्ताए ८६ वर्षीय मिनबहादुर
सगरमाथा आरोहणका लागि सगरमाथा आधार शिविरमा पुगेका सबभन्दा जेष्ठ नागरिक मिनबहादुर शेरचनको निधन भएको छ । योसँगै विश्वकै सबैभन्दा जेष्ठ आरोहीको रेकर्ड राख्ने उनको सपना अधुरै भएको छ । उनको निधन शनिबार विहान ५ बजेर १४ मिनेटमा भएको हो । शेरचन गुमेको कितिमान फिर्ता गने उद्देश्य लिएर सगरमाथा आरोहणका क्रममा आधार सिबिरमा पगेका थिए । उनको उमेर ८६ वर्ष ९ महिना पगेको थियो । यो उमेरमा सायदै कोही यस्तो कठिन कार्यका लागि आँठ गर्न सक्छ । तर, उनले अठोट गरेका थिए सगरमाथा चेढ्ने विश्वकै सबैभन्दा जेष्ट नागरिकको रेकर्ड राख्ने । विडम्बना उनको सपना अधुरै रह्यो । शेरचनले योभन्दा पहिल्यै रकर्ड बनाइ सकेका छन् । उनले सन् २००८ मा पहिलो पटक सगरमाथा आरोहण गरेर विश्व रेकर्ड कायम गरेका थिए । उनीले विश्वका सबैभन्दा वृद्ध सगरमाथा आरोहीको रेकर्ड राख्दा ७७ वर्षका थिए । तर, त्यो रेकर्ड धेरै लामो समयसम्म रहन सकेन । उनकोे रेकडलाई पाँच वर्षपछि अर्थात २०१३ मा जापानका युइचिरो मिउराले तोडिदिए । मिउरले ८० वर्षको उमेरमा सगरमाथा आरोहण गरेर उनको किर्तिमान भंग गरिदिएका थिए । शेरचनले पुनः सगरमाथा चेढेर गुमेको किर्तिमान फर्काउँदै गिनिज बुक अफ दि वल्र्ड रेकर्डमा नाम लेखाउने योजना बनाएका थिए । सगरमाथा आरोहणको तयारीका लागि उनले दैनिक गह्रौँ भारी बोकेर लामो यात्रा गर्ने गर्दथे । स्वास्थ्यको दृष्टिकोणले पनि उनी राम्रो महसुग गरेको बताउँदै आएका थिए । उनले खानामा चामालको बदलामा गहुँ, मकै, कोदो, फापर लगायतका खाने कुरा खाएर स्वास्थ्यलाई तन्दुरुस्त राखेका थिए । उनले योभन्दा पहिला पनि सगरमाथा आरोहणको तयारी गरेका थिए । २०१५ र २०१६ मा उनले गरेको तयारी व्यर्थ भयो । २०१५ मा उनी सगमाथा चढ्न आधार शिबिरसम्म पगेका पनि थिए । तर, बिनासकारी भूकम्पका कारण उनी खाली हात फर्किनु पर्यो । उनीले सन् १९६० देखि नै हिमाल आरोहण गर्दै आएका थिए । उनले विसं २०१७ सालमा धौवलागिरिको आरोहण गरेर धौवलागिरि आरोहण गर्ने पहिलो नेपाली बन्ने योजना बनाएका थिए । उनी विसं २०१७–१८ सालमा केही नेपालीलाई बटुलेर धौवलागिरि चढ्ने योजना पनि बनाए । तर, त्यो पूरा हुन पाएन । त्यसपछि शेरचन हिमाल चढ्नै कुरा नै विर्सिएर बसेका थिए । तर, ७२ वर्ष पगेपछि केही गर्ने नयाँ इच्छा, आकांक्ष जाग्यो उनमा । ‘कविता, कथा लेखौँ भने आफूसँग त्यो ज्ञान र शिक्षादीक्षा थिएन त्यसैले सगरमाथा चढ्ने मन बनाएँ,’ उनले एक अनलाइन मिडियालाई अन्तरवार्ता दिँदा भनेका छन् । शेरचनले पहिलो पटक सगरमाथा चढ्दा ७० लाख खर्च भएको थियो । त्यतिबेला एजेन्टले डकुमेन्टरी बनाउँदा लिएको खर्च हो । यो पटकको खर्च १ करोड हुने अनुमान गरेका थिए । पहिलाको डकुमेन्ट्ररी काम नलागने भएकाले पुनः बनाउनु पर्ने बाध्यता थियो । उनलाई विभिन्न देश तथा संघ संस्थाले सगरमाथा आरोहण गर्दा लाग्ने खर्च सहयोग जुठाउँदै आएका थिए । शेरचन १७ वर्षको उमेरमा गोर्खा शैनिकमा भर्ती भएका थिए । उनी सपरिवार ब्रिटेनको हल्डरसट हान्टमा बस्दै आएका थिए । उनले विश्व शान्ति र पृथ्वी आमाको रक्षाका लागि आफू सगरमाथा चढ्न लगेको बताएका थिए । उनी वैशाख ४ गते आधार शिविर तिर लागेका थिए । उनको आरोहण टोलीमा ९ जना रहेका थिए । ९ जना मध्ये ६ जना अनभुवी गाइड थिए ।
