गोपाल खत्री

भन्सार अधिकृत, भैरहवा भन्सार कार्यालय

नेपालमा नयाँ संविधान जारी भएपछि त्यसप्रति असन्तुष्टि जनाउँदै छिमेकी मुलुक भारतले नेपालमा अघोषित ‘नाकाबन्दी’ लगायो । दसगजा क्षेत्रमै पनि आन्दोलनकारी धर्नामा बसेकाले भारतबाट नेपालमा सामानहरु निर्वाधरुपमा भित्रिन सकेनन् ।

एक महिना होइन दुई महिना होइन, झण्डै ६ महिना नेपालले भारतीय नाकाबन्दीको समस्या बेहोर्नुप¥यो । नेपाल भारत सीमा क्षेत्रका अधिकाँश नाकामा नाकाबन्दी भएपनि सुनौली नाकालाई भने नाकाबन्दीले छुन सकेन । तत्कालीन मधेसी मोर्चाले निर्वाध रुपमा सञ्चालन भइरहेको सुनौली नाकाका कारण आफूहरुको आन्दोलन असफल हुन लागेको भन्दै त्यहाँ पनि नाकाबन्दी गर्न खोजे, तर भैरहवाका उद्योगी व्यवसायी र स्थानीयले डटेर विरोध गरे । त्यसैले त्यहाँ पनि नाकाबन्दी लगाउन खोज्ने मधेसी मोर्चाको प्रयास पूर्ण असफल भयो । वास्तवमा भन्नै पर्छ, यदि सुनौली नाकामा पनि नाकाबन्दीको प्रभाव परेको भए नेपाली जनताले ठूलो समस्या भोग्नु पथ्र्याे । तर त्यहाँका सचेत उद्योगी व्यसायी र स्थानीय वासिन्दाका कारण त्यही नाकाबाट नेपालमा सामानहरु भित्रिन सफल भयो । पूरै नाकाबन्दीको समय भर नेपाली जनतालाई सुनौली नाकाले थेग्ने काम ग¥यो । तर, यस्तो ऐतिहासिक महत्व बोकेको सुनौली नाकाले अहिले विविध समस्या भोग्नु परिरहेको छ । यी समस्याले निरन्तरता पाए यहाँका उद्योगी व्यवसायी आगामी दिनमा पलायन नहोलान् भन्न सकिन्न । त्यसैले हाल देखिएका समस्या तत्कालै सम्बोधन गर्नुपर्ने देखिन्छ ।

आर्थिकरुपमा भैरहवा नाका अत्यन्तै फरटाइल मानिन्छ । यो भैरहवा नाका (सुनौली) नाका यस्तो नाका हो, जुन नाका भारतले नाकाबन्दी गर्दा पनि निर्वाधरुपमा सञ्चालनमा आयो । नाकाबन्दी लगाउने प्रयासलाई यहाँका उद्योगी व्यवसायी र स्थानीय वासिन्दाले बिफल बनाइदिए । यो भैरहवा नाका नेपालकै लाइफलाइन नाका पनि हो । भारतको राजधानी यहाँबाट नजिक पर्ने हुनाले यहाँबाट सामान ल्याउँदा पनि सस्तो पर्छ । तर यो नाकाले ३, ४ महिनादेखि समस्या भोग्नु परिरहेको छ । पहिला दैनिक ८, ९ सय ट्रक सामान नेपाल आउने गरेकोमा अहिले भारतीय पक्षले कडाइ गरेकाले तीन, चार सयमा झरेको छ । यसले गर्दा व्यवसायीले अनावश्यक दुःख र झन्झट पाइरहेका छन् । यो स्थिति लामो समयसम्म रहिरहे उद्योगी व्यवसायी पलायन नहोलान् भन्न सकिन्न । अहिले दैनिक पाँच करोड रुपैयाँ राजस्वमा कमी आइरहेको छ ।

भैरहवाका उद्योगी व्यवसायीले हामीसँगको भेटमा सुनौली नाकाले अहिले धेरै समस्या बेहोरिरहेको बताएपनि भैरहवा भन्सार कार्यालयका भन्सार अधिकृत गोपाल खत्रीले भने सबै स्थिति सामान्य रहेको बताए । ‘भारतीय क्षेत्रमा बाढी आउँदा दुई चार दिन केही असर परेको थियो, राजस्व पनि केही घटेको थियो, तर अहिले त्यस्तो केही छैन, सबै सामान्छ छ,’ भन्सार अधिकृत क्षेत्रीले भने ।

भन्सार अधिकृत खत्रीसँग हामीले कुराकानी गर्दा उनी निमित्त भन्सार प्रमुख थिए । भन्सार प्रमुखकै कार्यकक्षमा उनीसँग हामीले लामो कुराकानी गरेका थियौं । तर भिडियो अन्तर्वार्तालाई भने हामीले सम्पादन गरेका छौं । आफ्ना भनाइहरु हाँसीहाँसी निर्धक्कसँग भन्न सक्ने भन्सार अधिकृत खत्रीले भन्सारलाई आधुनिकीकरण र समयसापेक्ष बनाउन सरकार लागिपरेको बताए । उनले भने, ‘भन्सारमा ‘जिरो मिस्टेक’ काम हुने गर्छ, यसमा कुनै शंका छैन । कसैले गलत ढंगले काम गर्न खोज्छ भने पनि त्यो सम्भावना छैन ।’

हामीसँगको कुराकानीमा उनले भैरहवा भन्सार कार्यालयमा कुनै पनि भ्रष्टाचार नहुने दाबीसमेत गरे । उनले थपे, ‘भन्सार कर्मचारीले गल्ती गर्दै गर्दैनन्, उनीहरु सिस्टम अनुसार चल्छन्, नियम, कानुन र प्रविधिबाट चल्छन् ।’

Gopal Khatri Bhairawa Vansar