यिनलाई ‘चिडियाघरमा राखेर टिकटमा हेर्नुपर्छ’ भनेर त्यसै भनिएको हैन रैछ
एउटा पनि बाचा पूरा गरेनन्, आफ्नो लागि सवा करोडको गाडी किने
काठमाडौं । तस्बीरमा भएका व्यक्तिलाई प्रायःले चिन्छन् । काठमाडौंबासीले त अझै चिन्छन् । तीन महिना अघि यिनैलाई धेरैले भोट हालेर काठमाडौं महानगरको मेयरको कुर्सीमा बसाएका थिए । यिनी हुन १०० दिनमा १०१ काम गर्ने प्रतिबद्धता जनाउने केपी ओलीका साला, काठमाडौंका मेयर विद्यासुन्दर शाक्य । उनको १०० दिन हालै सकिएको छ ।
प्रतिबद्धता विपरीत यिनले आफ्ना लागि र वडाध्यक्षहरुका लागि ३० हजार पर्ने मोबाइल सेट, टेलिफोन सुविधा पाउने निर्णय गरे । त्यसपछि सवा करोडको गाडीको व्यवस्था पनि गरे । अनि एक नागरिकले प्रधानमन्त्री कार्यालयबाट सञ्चालन हुने हेल्लो सरकारमा आफ्नो गुनासो टिपाए । गुनासो थियो– ‘हेल्लो सरकार ! यो विद्या सुन्दर शाक्य भन्ने मान्छेलाई चिडिया घरमा थुनेर टिकट काटेर हेर्ने प्रबन्ध गर्न सकिन्छ कि सकिदैन ?’
नागरिकको यस्तो गुनासो पछि हेल्लो सरकारका उपसचिवले जवाफ फर्काए, ‘तपाईँको गुनासो स्थानीय विकास तथा पर्यटन मन्त्रालयमा पठाइएको छ ।’
यो चुट्किला होइन । वास्तविक घटना हो । काठमाडौंका मेयर विद्या सुन्दर शाक्यले आफूले निर्वाचन जितेमा १०० दिनमा १०१ काम गर्ने वाचा गरेका थिए । ती बाचा सबै पूरा हुन सक्ने किशिमका भएको उनको दाबी थियो । अब उनका बाचा के के थिए के के पूरा भए के के भएनन् त ? १०० वटा बाचा यस्ता छन्ः
हेर्नुहोस् विद्यासुन्दरका सय दिनमा गर्ने भनिएका १०१ कामको सूची
१. हाल राज्यले दिएको मासिक सुरक्षा भत्तामा रु. ३००० थप गरी रु. ५००० बनाउने । ८४ वर्ष पुगिसकेकोलाई रु.१०,००० मा २००० थप गरी रु.१२ हजार बनाउने (मेयरले गर्ने प्रथम निर्णय) थप सुविधाहरु क्रमशः बढाउन अध्ययन कार्यदल बनाउने । भत्ता रकम सम्वन्धित व्यक्तिको बैंक खातामार्फत सीधै पठाउने व्यवस्था गर्ने । – यस्ताे व्यवस्था भएकाे छैन ।
२. ऐतिहासिक महत्व बोकेको सोह्रखुट्टेको पुनस्र्थापनाको प्रक्रिया अघि बढाउने ।– केही भएकाे छै ।
३. मेयरको पदभार ग्रहण गर्नु अगावै महानगरपालिकाको कार्यालय परिसरभित्रै नवनिर्वा्िचत जनप्रतिनिधिहरुले मूल्यवान फल लाग्ने, रुख रोपी ‘ग्रीन एण्ड क्लिन काठमाडौ’ अभियानको कार्य शुभारम्भ गर्ने । – बिरूवा राेपे तर मरे बाचेकाे ठेगान छैन ।
४. महानगरपालिका भित्रका धार्मिक तथा सांस्कृतिक तथा पर्यटकीय केन्द्रहरु जस्तै स्वयंम्भू, पशुपति, बौद्ध, बसन्तपुर लगायतका स्थानहरुमा द्रूत गतिको ‘फ्री वाईफाई जोन’ बनाउने । – कतै पनि याे सुविधा छैन ।
५. बाटो विस्तारका क्रममा घर जग्गा गुमाएका पीडित समुदायसँग वार्ता गरी जनभावना अनुसार समस्या समाधान गर्ने ।– याे खबर पनि सुनिएकाे छै ।
६. साइकल सिटी महानगरको कार्ययोजना प्रारम्भ गर्ने । – साइकल सिटी चाहनेले १ कराेड ३० लाखकाे गाडी अाफ्नाे लागि किन्दैनन् ।
७. काठमाडौँ महानगरपालिका विकास योजना प्राधिकरणको गठन गरि कामको सुरुआत गर्ने । – महानगरबाट हुने काम गर्न नसक्नेले प्राधिकरण ।
८. महानगरपालिकाको आफ्नै काठमाडौँ महानगरपालिका विकास समिति स्थापना गर्ने । – खबर छैन ।
९. महानगरपालिकाको आफ्नै काठमाडौँ महानगरपालिका लगानी कम्पनीको स्थापना गर्ने । – खबर छैन ।
१०. महानगरपालिकाको नयाँ सांगठनिक संरचना निर्माण, जनशक्ति व्यवस्थापन र परिचालन गर्ने ।– खबर छैन ।
११. महानगरपालिकाको सम्पूर्ण कार्यलाई भ्रष्टाचारमुक्त र पारदर्शी बनाउन‘ई(गभर्नेन्स प्रणाली’ शुरु गर्ने र सम्पूर्ण कार्यकक्षमा सीसीटीभी जडान गर्ने । – खबर छैन ।
१२. प्रत्येक युवाहरुलाई कुनै न कुनै खेल, शारीरिक व्यायाम, व्यवसायिक तालिम, हस्तकला, ललितकला, प्रविधि लगायत बिभिन्न रचनात्मक कामहरुमा आवद्ध गराउने गरी कार्यक्रम ल्याउने ।– खबर छैन ।
१३. समय सापेक्ष रोजगारमूलक बातावरण सिर्जना गर्ने र युवाहरुको ‘अनलाइन भुक्तानी’ सूचना केन्द्र सुरुवात गरिने छ ।– खबर छैन ।
१४. खेलकूद क्षेत्रमा विषेश प्रतिभा र योगदान र्पुयाउने ब्यक्तिहरुलाई नियमित सहयोगको लागि पुरस्कार तथा प्रोत्साहनका लागि अक्षय कोष स्थापना गर्ने ।– खबर छैन ।
१५. नागरिक सुरक्षाको लागि नेपाल प्रहरीसंग समन्वय गरी महानगरका संवेदनशील स्थलहरुमा ऋऋत्ख् जडान गर्ने कार्य प्रारम्भ गर्ने ।– खबर छैन ।
१६. स्वयंम्भू, बौद्ध, पशुपति र बसन्तपुर लगायतका धार्मिक, सांस्कृतिक, पुरातात्विक, पर्यटकीय महत्वका सम्पदा क्षेत्रको विकास र प्रवद्र्धनका लागि विशेष योजना बनाई कार्य सुभारम्भ गर्ने ।– खबर छैन ।
१७. ‘पीपीपी’ (प्राइभेट(पब्लिक पार्टनरशीप) मोडेलकको नीति अवलम्वन गर्ने ।– खबर छैन ।
१८. जन्मदेखि मृत्युसम्म चाहिने सामग्रीहरु सहितको ‘मिनी असन बजार’ विभिन्न ठाउँहरुमा स्थापना गरी सञ्चालनका लागि अध्ययन गर्ने ।– खबर छैन ।
१९. भित्री शहरको हरेक ५०० मिटरमा र बाहिरी शहरमा आवश्यकता अनुसार प्राइभेट(पब्लिक पार्टनरशीप मोडेलमा पब्लिक सर्भिस सेन्टर बनाउने प्रक्रिया अघि बढाउने जसमा महिला, अपाङ्गता भएका, बृद्ध, बालकालिकामैत्री, डिजिटल सूचना पाटी, शौचालय, डिजिटल सुझाब संकलन डेस्क, रिचार्ज कार्ड, चार्जर, वेइटिङ मेशीन, फ्री वाईफाई, स्न्याक बार, स्यानिटरी प्याड एबमको व्यवस्था गरिनेछ ।– खबर छैन ।
२०. धर्मपथस्थित पुरानो कामनपाको जग्गामा पूर्वस्वीकृत नक्सा अनुसार भवन निर्माण शुरु गर्ने ।– खबर छैन ।
२१. महानगरपालिकाका करदाताको सुविधाका लागि बचत ‘स्मार्ट कार्ड’ को व्यवस्था गर्ने ।– खबर छैन ।
२२. महानगरबाट सञ्चालित चःमति, मनोहरा लगायतका स्थानहरुमा अवरुद्ध ल्याण्डपुलिंगको कार्यलाई यथासिघ्र सम्पन्न गर्ने ।– खबर छैन ।
२३. ‘घरघरमा अचम्मको सियो र घरघरमा गज्जबको चुलो’ कार्यक्रम सञ्चालन गर्ने ।– खबर छैन ।
२४. मेलम्ची आयोजना लगायत अन्य कारणबाट सडकमा देखिएका खाल्डाखुल्डीहरु पुर्ने, विशेष प्रविधिको प्रयोग गरि धुलो र खाडलरहित सडक निर्माण गर्ने ।– खबर छैन ।
२५. ‘सही समय सही ठाम, नो ट्राफिक जाम‘ को अभियान सुरु गर्ने ।– खबर छैन ।
२६. सडक बाटोमा थुपारिएका निर्माण सामग्री हटाउने । – खबर छैन ।
२७. हाल पेन्डिंगमा रहेको मुद्दाहरुलाई १०० दिनभित्र टुंग्याउने ।– खबर छैन ।
२८. प्रत्येक वडामा विषयगत दक्षता सहितको ‘महानगरपालिका स्वयम्सेवक’ घोषणा गरी परिचालन गर्ने ।– खबर छैन ।
२९. प्रत्येक घरमा अनिवार्य बर्षेपानी संकलनको अभियान सुरु गर्ने, संकलनबाट बढी भएको पानी भूमिगत जल भण्डारण गर्ने अभियान थाल्ने ।– खबर छैन ।
३०. घर–घरमा अत्याधुनिक प्रविधियुक्त (थोरै जग्गामा पनि जडान गर्न सकिने) सेप्टीट्याङ्की जडानको अभियान सुरु गर्ने ।– खबर छैन ।
३३. चोभारदेखि हिमाल सिमेन्ट कारखानासम्मको जग्गामा नेपाल सरकारसँग समन्वय गरी बाल मनोरञ्जन केन्द्र, फिल्मकर्मी र चेम्बर अफ कमर्शको सहकार्यमा भव्य प्रदर्शनी केन्द्र निर्माणको पहल गर्ने ।– खबर छैन ।
३४. ‘भोकरहित जनता शोकरहित महानगर’ का लागि सुपथ मूल्यको ‘मेयर फुड पार्लर’ खोल्ने प्रक्रिया आरम्भ गर्ने ।– खबर छैन ।
३५. राष्ट्रिय सभागृहमा सार्वजनिक सुनुवाई कार्यक्रम सञ्चालन गर्ने ।– खबर छैन ।
३६. राजश्व अध्ययन वोर्ड बनाई अनुसन्धान अध्ययनको थालनी गर्ने ।– खबर छैन ।
३७. ‘केटिएम एप’ सार्वजनिक गर्ने ।– खबर छैन ।
३८ . ‘स्मार्ट भर्टिकल कार पार्किङ’ को नीति निर्धारण गरी कार्यान्वयन गर्ने ।– खबर छैन ।
३९ . महानगरका विशेष स्थानहरुमा ‘निशुल्क सवारी क्षेत्र’ घोषणा गर्ने ।– खबर छैन ।
४० . ‘काठमाण्डौ महानगर झिलिक्क स् घर घर टिलिक्क’ अभियानको थालनी गर्ने । सरकारी सार्वजनिक भवनमा रङ्गरोगन गर्ने र आम नागरिकलाई आब्हान गर्ने ।– खबर छैन ।
४१. धरहरा प्रिमिसेशको मास्टर प्लान बनाई कार्यान्वयन गर्ने ।– खबर छैन ।
४२. काष्ठमण्डप निर्माणमा महानगरपालिकाले स्थानीय समुदायको जनसहभागितामा पुनर्निर्माण गर्ने ।– खबर छैन ।
४३. सम्पदा पुनर्निर्माण जनसहभागिता अवधारणा अनुसार कार्यान्वयन गर्ने ।– खबर छैन ।
४४. भूकम्पले नष्ट गरेको र असुरक्षित घरहरुको पुनर्निर्माणका लागि राज्यले व्यवस्था गरेको अनुदान र सहुलियत ऋण प्राप्तिका लागि सहजीकरण गर्ने ।– खबर छैन ।
४५. नदी किनारमा रहेका मठमन्दिरको संरक्षणसहितको बाग्मती, विष्णुमती र रुद्रमती संग्रहालय निर्माणको प्रक्रिया थालनी गर्ने ।– खबर छैन ।
४६ . महानगर र गोकर्णेश्वरको समन्वय÷सहकार्यमा ‘तारेभिर परियोजना’ को प्रक्रिया अगाडि बढाउने ।– खबर छैन ।
४७. टोखा नगरपालिकासँग समन्वय÷सहकार्य गरी टोखाको संस्कृति सम्पदा संरक्षण, प्रवद्र्धन एवं झोरस्थित बाणेश्वर ‘वाटर फल पार्क’ बनाउन प्रक्रिया अघि बढाउने ।– खबर छैन ।
४८ . ललितपुर महानगर र गोदावरी नगरसँग समन्वय गरी हाल ललितपुर महानगरपालिकामा भएका शिल्पकारहरुको ‘नयाँ ललितपत्तनम’ नामको ‘आर्ट एन्ड कार्फ्ट सिटी’ निर्माण प्रक्रिया सुरु गर्ने ।– खबर छैन ।
४९. काठमाण्डौ भित्री शहरको दक्षिणी भेगको ‘क्वःने’ को ‘आर्ट एन्ड कार्फ्ट सिटी’ लाई आवश्यक प्रक्रिया पूरा गरी ‘लाइभ म्युजियम डक्लेरेसन’ गर्ने ।– खबर छैन ।
४८. पुरातात्विक मापदण्ड अनुसार रानीपोखरीको पुनर्निर्माण तत्काल सुचारु गर्ने ।– खबर छैन ।
४९. ऐतिहासिक दरवार हाईस्कूल पुनस्र्थापनाका लागि सार्वजनिक वहस गरी कार्य सञ्चालन गर्ने ।– खबर छैन ।
५० . ‘अन्तरराष्ट्रि आर्ट तथा सांस्कृतिक केन्द्र’ को निर्माण थालनी गर्ने ।– खबर छैन ।
५१. भद्रकाली मन्दिर र परिसरको विस्तृत परियोजनाको सर्वेक्षण गर्ने ।– खबर छैन ।
५२. पूर्व अध्ययन भई सकेको हनुमानढोकाको पूर्ववत् प्रहरी कार्यालय परिसरलाई विशेष सांस्कृतिक क्षेत्रको रुपमा परिमार्जन गरी निर्माण कार्य आरम्भ गर्ने ।– खबर छैन ।
५३. निश्चित समयतालिका अनुसार यातायात सञ्चालन गर्न अपाङ्ग, बालबालिकामैत्री शौचालय सुविधासहितको बस सेवा शुरु गर्र्ने ।– खबर छैन ।
५४. ‘कार पार्किङ मल’ को नीति बनाई कार्य प्रारम्भ गर्ने ।– खबर छैन ।
५५. ‘जन्जालमुक्त सडक सञ्जाल’ (रोड टु रोड इन्ट्र्याक्सन) कार्ययोजना प्रारम्भ गर्ने ।– खबर छैन ।
५६. निर्माणाधिन चक्रपथ विस्तारको कार्यलाई यथाशिघ्र सम्पन्न गर्न प्रभावकारी पहल गर्ने ।– खबर छैन ।
५७. भक्तपुरको हनुमन्तेदखि कटवाल दहसम्म वागमती किनार हुँदै केवल बसको सम्भाव्यता अध्ययन आरम्भ गर्ने ।– खबर छैन ।
५८. सम्पूर्ण ट्राफिक लाईटलाई मर्मत गरी सुचारु गर्ने ।– खबर छैन ।
५९. ‘क्लीन द सिटी’ अभियानको प्रारम्भ धुँवाधुलो न्यूनिकरण गरी ‘नो मास्क सिटी’ को अभियानबाट सञ्चालन गर्ने ।– खबर छैन ।
पशुपति क्षेत्र विकास कोषसँग समन्वय गरी गोठाटारस्थित वालुवा खानीलाई व्यवस्थापन गरी ‘पाशुपत सरोवर’ निर्माणका लागि पहल गर्ने ।– खबर छैन ।
६०. काठमाण्डौलाई प्लाष्टिकमुक्त बनाउन प्लाष्टिकका सामग्रीहरु व्यवस्थित रुपमा जम्मा गरेर राखे वापत महानगरपालिकाले किन्ने व्यवस्था गर्ने । कुहिने फोहरबाट जैविक मल उत्पादनका लागि महानगरपालिकाले अनुदान दिने साथै किन्ने व्यवस्था समेत गर्ने ।– खबर छैन ।
६१. शहरको सुन्दरता र दुर्घटना न्यूनिकरणको लागि अव्यवस्थित पोल तथा तारहरुको उचित व्यवस्थापनको लागि आवश्यक खाका तयार गर्ने ।– खबर छैन ।
६२. ज्येष्ठ नागरिकहरुका लागि घर घरमा निःशुल्क सेवाको लागि महानगरपालिकाको स्वयंसेवकहरु परिचालन गर्ने ।– खबर छैन ।
६३. विपन्न, असहाय र विभिन्न कारणले विचल्लीमा परेका नागरिकहरुलाई उच्च प्राथमिकतामा राख्दै आवश्यकता अनुसार आवास, स्वास्थ्य उपचार तथा परिवारसँग समन्वय गरी तत्काल उद्धार कार्य प्रारम्भ गर्ने ।– खबर छैन ।
६४. राज्यको लगानी वा विभिन्न संघ–संस्थाबाट सञ्चालित, शिशु स्याहार केन्द्र, बृद्धाश्रम, असहाय तथा अपाङ्गता भएका नागरिक संरक्षण केन्द्रको गुणस्तर वृद्धिका लागि अनुगमन गर्ने ।– खबर छैन ।
६५. महानगरपालिका, सम्वन्धित व्यवसायीको परिवार र संघसंस्थाको समेत साझेदारीमा शहरको तरकारी बजार, कल कारखाना, शिक्षण केन्द्र, स्वास्थ्य केन्द्र नजिकै ‘शिशु स्याहार र बाल विकास केन्द्र’ सुचारु गर्ने ।– खबर छैन ।
६६. महानगरलाई दुव्र्यशनमुक्त शहर बनाउन रोकथाम र निर्मूल पार्ने योजना बनाई कार्यारम्भ गर्ने ।– खबर छैन ।
६७. सेवानिवृत्त कर्मचारी, ज्येष्ठ नागरिकको सम्मान र संरक्षण गर्दै वहाँहरुको ज्ञान, सीप अनुभवलाई जीवन्त राख्न दिवा सेवासहितको क्लव, मनोरञ्जन केन्द्र, स्वास्थ्य क्लब, जिम केन्द्र÷व्यायाम÷योगा केन्द्र, पुस्तकालय, स्वास्थ्य केन्द्र आदिसहितको सुविधा सम्पन्न एकीकृत सेवा प्रदान गर्ने गरी भौतिक पूर्वाधारको व्यवस्था मिलाउने ।– खबर छैन ।
६८. ‘हेल्लो मेयर क्वीक रेस्पोन्स’(एचएमक्युआर) कार्यक्रम सञ्चालन गर्ने ।– खबर छैन ।
६९. महानगरका सरकारी र सार्वजनिक ठाउँहरुलाई पर्खालबिहीनका रुपमा विकास गर्ने ।– खबर छैन ।
७०. घर निर्माण सम्पन्न प्रमाणपत्र एक महिना भित्र प्रदान गर्ने ।– खबर छैन ।
७१. महानगरपालिका भवन निर्माण कार्य प्रारम्भ गर्ने ।– खबर छैन ।
७२ . नेपाललाई संसारको उत्कृष्ट ‘अल सिजन क्रिकेट भेन्यु’ बनाउन राष्ट्रिय एवम् अन्तर्रा्िष्ट्रय पहल गर्ने ।– खबर छैन ।
७३ . ‘प्रेम दिवस’ लगायत अन्य विभिन्न दिवसको अवसर पारी युवा जोडीहरुलाई रचनात्मक काममा सहभागी गराउँदै सफा, सुन्दर, स्वच्छ र हरियालीसहितको नगर निर्माण गर्न विरुवा, फलफूल वा फूलहरु रोप्ने व्यवस्था मिलाउने ।– खबर छैन ।
७४ . छाडा जीवजन्तु तथा फोहोर मैला लगायत समस्याहरु तत्काल समाधान गर्ने ।– खबर छैन ।
७५. घरबाट आएको कुहिने फोहोरको व्यवस्थापन गरी जैविक मल बनाउने प्लान्ट राख्ने अनिवार्य व्यवस्था गर्ने ।– खबर छैन ।
७६. प्राविधिक सिप र प्रविधिका लागि अनुदान दिने ।– खबर छैन ।
७७. महानगरभित्रका धार्मिक, सांस्कृतिक, ऐतिहासिक, पुरातात्विक र पर्यटकीय क्षेत्रलाई जोड्ने सम्पदा मार्गको पूर्व घोषित कार्यक्रममा आवश्यक परिमार्जन गरी भ्रमण प्याकेजसहित दक्ष पथप्रर्दशक सहितको सुविधासम्पन्न टुरिष्ट बस सञ्चालन गर्ने ।– खबर छैन ।
७८. काठमाण्डौ महानगर र चन्द्रागिरी नगरपालिकाको सहकार्यमा सटल वसको व्यवस्थासहितको ‘सहिद स्मृति पार्क’ ‘पृथ्वीनारायण स्मृति संग्रहालय’ सहितको ‘युथ पार्क’ निर्माण गर्ने ।– खबर छैन ।
७९. तिनकुनेको जग्गाको समस्याको समाधान गरी अत्याधुनिक पार्क निर्माण गर्न सुरुवात गर्ने ।– खबर छैन ।
८०. अपांगमैत्री पार्क निर्माण कार्य आरम्भ गर्ने ।– खबर छैन ।
८१. ‘कौसी खेती तथा गार्डेनः घरघरमा जैविक तरकारी खेती’ को लागि आवश्यक वाकस, मल, प्लाष्टिक टनेलसहितको प्रविधिका लागि प्रोत्साहन स्वरुप अनुदानको व्यवस्था गर्ने । न्यून शुल्कमा विरुवा उत्पादनका लागि नर्सरी निर्माण गर्ने ।– खबर छैन ।
८२. अव्यवस्थित र असुरक्षित भविष्यको कारण जीवनदेखि निराशाका कारण बढ्दै गैरहेको मानसिक समस्याहरुको रोकथाम र उपचारको लागि उचित प्रवन्ध गर्ने ।– खबर छैन ।
८३. हिंसापीडित महिलाहरुको तत्काल उद्धार र पुनव्र्यवस्थापन गर्ने ।– खबर छैन ।
८४. तरकारी, फलफूल र खाद्यान्नमा विषादी नियन्त्रणका लागि परिक्षण गर्ने व्यवस्था मिलाउने ।– खबर छैन ।
८५. राजधानी महानगरलाई देशका सबै नेपालीको साझा मैत्रीनगरको रुपमा विकास गर्न सातै प्रदेशको लागि ‘प्रदेश भवन’ निर्माणका लागि प्रक्रिया थालनी गर्ने ।– खबर छैन ।
८६. पुरानो वसपार्कमा प्रस्तावित काठमाण्डौ टावर निर्माण सम्वन्धमा जनभावनाको कदर गर्दै काम सुरु गर्ने ।– खबर छैन ।
८७. महानगरभित्रका सबै होलसेल मार्केटहरुलाई यातायात सुविधासहित व्यवस्थित गर्ने ।– खबर छैन ।
८८. गोंगबुँ बसपार्कको मास्टर प्लानको परिमार्जन सहित अघि बढाउने ।– खबर छैन ।
८९. स्वदेशी उत्पादनलाई प्रोत्साहन गर्न साना तथा घरेलु, मझौलास्तरका उद्योग, व्यापार–व्यवसायहरुको लगत संकलन गरी कार्ययोजना अघि बढाउने ।– खबर छैन ।
९०. परम्परागत शिल्पी तथा व्यवसायमा आवद्ध नागरिकलाई आधुनिक प्रविधि एवं पुँजीनिर्माणमा सहजीकरण गर्ने ।– खबर छैन ।
९१. मझौला तथा साना व्यवसाय शुरु गर्नेहरुलाई लगानीमैत्री बिनियमहरु बनाउन शुरु गर्ने ।– खबर छैन ।
९२. बागवजार स्थित भक्तपुर बस पार्कको नयाँ व्यवस्थापन गर्ने ।– खबर छैन ।
९३. ‘होम एड्ड्रेसिङ सिस्टम’ लाई व्यवस्थित गर्ने ।– खबर छैन ।
९४. डेरामा बस्ने नागरिकका लागि आवासको व्यवस्थापनलाई सहज, सहुलियतपूर्ण, स्वच्छ, स्वस्थ र सुरक्षित बनाउन आचारसंहिता लागु गर्ने ।– खबर छैन ।
९५. भूकम्पप्रतिरोधी भवन निर्माणका लागि महानगरपालिकाले निःशुल्क प्राविधिक सहयोग उपलब्ध गराउन कार्य्िवधी तयार गर्ने ।– खबर छैन ।
९६. ‘काठमाडौँ स्मार्ट सिटिजन कार्ड’ को कार्यक्रम लागु गर्न कार्यदल गठन गरी यथाशिघ्र सुरु गर्ने ।– खबर छैन ।
९७. हाइड्रोजन फ्युलको सम्बन्धमा सम्भाव्यता अध्ययन गर्न विज्ञ समूह गठन गरी कार्यारम्भ गर्ने ।– खबर छैन ।
९८. ‘स्मार्ट सिटी’ को पूर्वाधारको लागि चाहिने ‘तीब्र गतिको ब्रोडब्यान्ड’ को स्थापना गरी प्रारम्भ गर्ने ।– खबर छैन ।
९९. पत्रकारहरुका लागि सम्पूर्ण सुविधासहितको ‘मिडिया केन्द्र’ को कार्ययोजना सुरुवात गर्ने ।– खबर छैन ।
१००. चौबीस घण्टे ‘जीवन्त शहर’ को योजनाको निर्माण गर्ने ।– खबर छैन ।
१०१. महानगर मातहतका हरेक कार्यालयहरुलाई आधुनिक, चुस्त, जनमैत्री र प्रविधि मैत्री कार्यालयको रुपमा स्थापित गर्दै परामर्श तथा उजुरी डेस्कलाई प्रभावकारी बनाउने । – खबर छैन ।
