रवीन्द्र मिश्रको मनछुने भाषणः चुनावी अनुभवदेखि कविता वाचनसम्म (भिडियाेसहित)
'अरु नेताले १० वर्षमा गरेको अनुभव मैले १० महिनामा गरेँ'
काठमाडौं । चुनावपछि मौन जस्तै रहेका विवेकशील साझा पार्टीका संयोजक रवीन्द्र मिश्र पछिल्लो साता अनामनगरस्थित एक कलामयी कार्यक्रममा झुल्किए ।
पछिल्लो शनिबार मिश्र आफ्ना थुप्रै सुभचिन्तक, समर्थकमाझ भावुक भएर चुनावी अनुभव सुनाएका हुन् । यसबीचमा अन्य नेताहरुले १० वर्षमा भोगेको अनुभव आफूले १० महिनामा भोगेको बताए ।
घरका छतबाट दगुर्दै आएर अंकमाल गरेका घटना देखि बृद्धहरुले अंकमाल गर्दै धरधर्ती रोएका घटना सम्झेर उनी भावुक पनि भए । साथै यसपटक बलियो तयारी नभए पनि झिनो मतान्तरले हार्नु परे पनि अर्को पटक आफूहरुले जित्नेमा विश्वस्त रहेको मिश्रले बताए ।
यति छोटो अवधिमै धेरै जनताले सहयोग गरेकोमा खुसी हुँदै मिश्रले आगामी चुनावमा संगठन बनाएर देशभर िउम्मेदवार बनाउने पनि बताएका थिए ।
खासगरी मिश्रको यसपटकको कार्यक्रम भिन्न देखिन्थ्यो । उनले आफ्ना चुनावी अनुभवले नयाँ सिकाइ भएको भन्दै कलाबारे पनि आफ्ना बिचार राखे ।
कला पनि राजनीतिको महत्वपूर्ण पाटो भएको उनको भनाइ थियो । काठमाडौंलाई ‘कला मरेको सहर’ भन्दै उनले कलाले राजनीतिलाई उपयोगी बनाउनसक्ने विश्वास व्यक्त गरेका थिए । कार्यक्रममा उनले कविता वाचन समेत गरेका थिए ।
