काठमाडौं। सत्तारुढ नेकपा स्थायी समिति सदस्य  एवम् सांसद टोपबहादुर रायमाझीले प्रधानमन्त्री केपी शर्मा ओली नेतृत्वको वर्तमान सरकारको काम सुस्त रहेको भन्दै अब ‘गियर’ बदल्नुपर्ने बताएका छन् ।  पूर्वउपप्रधानमन्त्री रायमाझीले भने, ‘सरकारले अब गियर चेन्ज गर्नुपर्छ । काम अलि सुस्त देखिएको छ। गियर चेन्ज गरेपछि बल्ल पिक अप लिन्छ ।’

 

अब सरकारले अलिकति पिक–अप, गियर बढाउनुपर्ने उनको सुझाव छ । उनले भने,‘सरकारले अब गियर चेन्ज गरेर तिव्र गतिमा जनता र राष्ट्रको पक्षमा लागि पर्नको लागि म आग्रह गर्दछु।’

राजधानीमा आयोजित एक कार्यक्रममा उनले मुलुक यतिबेला राजनीतिक आन्दोलनको युगबाट विकास र समृद्धिको युगमा प्रवेश गरेको र नयाँ संविधान जारी गरेसँगै हामी संविधान कार्यान्वयनको प्रक्रियामा पनि अघि बढिरहेको चर्चा गरे । उनले भने,  ‘यतिबेला ज्यादै नै महत्वपूर्ण र सकारात्मक परिस्थिति सिर्जना भएको छ। विगतमा राजनीतिक अस्थिरताका कारण विकास र समृद्धिको पक्षमा जति काम हुनुपर्दथ्यो, त्यति हुन सकेन् । राजनीतिक आन्दोलनका कारण पनि हामीले जसरी देशलाई विकासको बाटोमा डो¥याउनु पर्दथ्यो। त्यो सकेनौं । तर, पछिल्लो चरणमा दुई तिहाइको सरकार बनेको छ ।’

 

उनले भने, ‘सरकारले राष्ट्र र जनताको आवश्यकता पूरा गर्नुपर्छ । यसै सन्दर्भमा हामीले अब विकासको लागि काम गर्न पूरानो परम्परा र संस्कार छोडेर अगाडि बढ्नुपर्दछ । नयाँ परम्परा, नयाँ विचार, नयाँ योजना र नयाँ संस्कारसहित हामी अगाडि बढ्नुपर्दछ।’

 

उनले जहाँसम्म सरकारले विकास र समृद्धि, अनि सुशासनको क्षेत्रमा जनतालाई पर्ने महँगीदेखि भ्रष्टाचारका सवाल छन्, यस विषयमा जनताका गुनासाहरु छन् । त्यसलाई सरकारले तीव्र रुपमा ती विकृति, विसंगति र कमजोरीहरुलाई हटाएर अब राष्ट्र र जनताको समृद्धिको काममा, जनताको सेवामा तिव्र रुपमा अगाडि बढ्नुपर्दछ ।’

 

त्यस्तै नेपाल चिकित्सक संघका अध्यक्ष डा। मुक्तिराम श्रेष्ठले महोत्सवलाई सफल बनाउनको लागि आफू जस्तोसुकै सहयोग गर्नपनि तयार रहेको सुनाए । उनले महोत्सव सफल बनाउनको लागि सबैले सहयोग गर्नुपर्ने धारणा राखे ।

 

आयोजकको तर्फबाट काठमाडौं संयोजक घिमिरेले अर्घाखाँची धार्मिक, पर्यटकीय तथा साँस्कृतिक हिसाबलेपनि सम्पन्न जिल्ला भएको उल्लेख गर्दै यो महोसत्वले जिल्लाको विकासमा टेवा पुग्ने विश्वास दिलाए । उनले भने,‘सुपादेउराली, पाँणेनी तपोवन, अर्घा भगवती, खन गुफा, मालारानीलगायत अन्य धेरै धार्मिक महत्व बोकेका धरोहर यो जिल्लामा छन् । अब यसको संरक्षण तथा प्रर्वद्धन गर्दै जिल्लाको विकासमा लगाउने हाम्रो प्रण छ ।’

टोपबहादुर रायमाझी